អ្នកវិនិយោគជប៉ុន នៅតែជឿជាក់លើភាពរឹងមាំនៃសេដ្ឋកិច្ចកម្ពុជា

ទំព័រដើម

ព័ត៌មានថ្មីៗ

កីឡា

សិល្បៈ

សុខភាព និងសម្រស់

សេដ្ឋកិច្ច

ដំណឹងជ្រើសរើសបុគ្គលិក

អ្នកវិនិយោគជប៉ុន នៅតែជឿជាក់លើភាពរឹងមាំនៃសេដ្ឋកិច្ចកម្ពុជា

ចុះថ្ងៃទី: 12-09-2020, 07:18 AM, ចំនួនអ្នកអានៈ 9ដង

រាជធានីភ្នំពេញ ៖ អ្លោក អាឡិច យ៉ាស៊ូម៉ូតូ បានថ្លែងថា ខ្ញុំមិនមែនជាអ្នកជំនាញសេដ្ឋកិច្ចទេ ប៉ុន្ដែខ្ញុំជឿជាក់លើសេដ្ឋកិច្ចកម្ពុជា ម្ល៉ោះហើយយើងជឿជាក់ថា ជំងឺកូវីដ១៩ មិនបានបង្អាក់ដល់ការងារសាងសង់ និងដំណើរការលក់គម្រោងទី២ របស់យើងឡើយអ្នកវិនិយោគជប៉ុនបានបង្ហាញនូវការជឿជាក់លើភាពរឹងមាំនៃសេដ្ឋកិច្ច កម្ពុជា បើទោះបីជាស្ថិតក្នុងបញ្ហាប្រឈមជាសកលនៃកូវីដ-១៩ក៏ដោយ ។ លោក អាឡិច យ៉ាស៊ូម៉ូតូ (Alex Yasumoto) សហស្ថាបនិកក្រុមហ៊ុនអារ៉ាខាវ៉ា បានថ្លែងនូវការជឿជាក់បែបនោះក្នុងសន្និសិទកាសែតកាលពីព្រឹកថ្ងៃទី១១ ខែកញ្ញា ឆ្នាំ២០២០ ស្តីពីលំនៅឋានស្តង់ដាជប៉ុនចាប់ផ្តើមបើកលក់ដំណាក់កាលពី២ ។ លោក យ៉ាស៊ូម៉ូតូ បានលើកឡើងទៀតថា ស្ថានភាពកូវីដ១៩ ប៉ះពាល់ពិភពលោក តែកម្ពុជាមិនប៉ះពាល់សេដ្ឋកិច្ចធ្ងន់ធ្ងរនោះទេ ម្ល៉ោះហើយគម្រោងរបស់ អារ៉ាខាវ៉ា បានប្រកាសលក់គម្រោងទី២ នៅថ្ងៃនេះ បន្ទាប់ពីគម្រោងទី១ បានលក់អស់រលីងកាលពីឆ្នាំមុន។ លោកថា ដំណើរការលក់លំនៅឋានអារ៉ាខាវ៉ា ក្រុមហ៊ុនមិនមានអ្វីគួរឲ្យបារម្ភខ្លាំងនោះទេ ដោយហេតុផលថា តម្លៃដែលយើងលក់នៅស្ថិតក្នុងកម្រិតតម្លៃមធ្យមដដែល ។ សូមជម្រាបថា លំនៅឋានស្តង់ដាជប៉ុនទីមួយនៅកម្ពុជាដែលមានទីតាំងនៅកណ្តាលក្រុងនិងមានតម្លៃសមរម្យបានប្រកាសចាប់ផ្តើមបើកលក់ដំណាក់ទី២ហើយ ចាប់ពីថ្ងៃនេះតទៅ ។ ដំណាក់ទី១ដែលបានប្រកាសបើកលក់ចំនួន១៦៨០ យូនីត កាលពីចុងឆ្នាំ២០១៩ ត្រូវបានអតិថិជនគាំទ្រយ៉ាងពេញទំហឹង និងបានទិញអស់មុនផែនការកំណត់ ហើយដំណាក់កាលទី២នេះ មានចំនួនតែ១២៨០ យូនីតប៉ុណ្ណោះ ។ លំនៅឋានអារ៉ាខាវ៉ា (Arakawa Residence) ដែលមានម្ចាស់ភាគហ៊ុនធំជាជនជាតិជប៉ុន បានចំណាយទុនវិនិយោគប្រមាណ៧០លានដុល្លារ ដើម្បីសាងសង់លំនៅឋានបែបប្រណិត មានគុណភាពខ្ពស់ មានសុវត្ថិភាព ផ្តល់ភាពងាយស្រួល និងមានបរិស្ថានល្អសម្រាប់ពលរដ្ឋខ្មែរដែលមានចំណូលទាបនិងមធ្យម ហើយមានបំណងចង់រស់នៅផ្ទះបែបស៊ីវីល័យ ថ្លៃថ្នូរនៅកណ្តាលក្រុងភ្នំពេញ។ លោក អាឡិច យ៉ាស៊ូម៉ូតូ (Alex Yasumoto) សហស្ថាបនិកក្រុមហ៊ុនអារ៉ាខាវ៉ា បានមានប្រសាសន៍ថា “លំនៅឋានបែបខុនដូនេះ ត្រូវបានសាងសង់ឡើងក្នុងគោលបំណងឲ្យប្រជាជនកម្ពុជាដែលជាសិស្ស និស្សិត គូស្វាមីភរិយាថ្មី និងបងប្អូនប្រជាពលរដ្ឋក្រីក្រ បើទោះជាពួកគាត់មានចំណូលទាបនិងមធ្យមក៏ដោយ ក៏អាចទិញលំនៅឋានខុនដូររបស់អារ៉ាខាវ៉ាបាន និងបានទទួលបទពិសោធន៍ជាម្ចាស់កម្មសិទ្ធ និងរស់នៅសមរម្យ ក្នុងខុនដូរទំនើប កណ្តាលទីក្រុងភ្នំពេញហ្នឹងគេ” ។ នៅក្នុងកិច្ចសម្ភាសជាមួយអ្នកសារព័ត៌មាន លោក អៀង សុធារ៉ា សហស្ថាបនិកក្រុមហ៊ុនអារ៉ាខាវ៉ា បានមានប្រសាសន៍ថា “យើងខិតខំធ្វើយ៉ាងណាដើម្បីបង្កើតលំនៅឋានមួយដ៏សមរម្យ ប្រកបដោយគុណភាព សុវត្ថិភាព សោភ័ណភាព ផាសុកភាព គុណធម៌ និងបង្កើតឲ្យមានទម្លាប់រស់នៅក្នុងអគាររួម និងការថែទាំរួម” ។ លោក សុធារ៉ា បានបន្ថែមថា អតិថិជនដែលទិញយូនីតក្នុងលំនៅឋានអារ៉ាខាវ៉ានឹងទទួលបានប័ណ្ណកម្មសិទ្ធិ “តកូនតចៅ” ។ ។ Arakawa Residence ត្រូវបានអ្នកជំនាញវាយតម្លៃថាជាលំនៅឋានស្តង់ដាជប៉ុនទីមួយនៅកម្ពុជា ដែលបានក្លាយទៅជាគំរូនៃលំនៅឋានឬសំណង់អគារនានាដែលមានស្តង់ដាជប៉ុនពិតប្រាកដ ជាពិសេសបច្ចេកទេសសំណង់ ប្រព័ន្ធទឹកនិងលូ និងប្រព័ន្ធសុវត្ថិភាពការពារអគ្គិភ័យ ដើម្បីបញ្ចៀសនូវក្តីកង្វល់ដល់ម្ចាស់ផ្ទះដែលបានទិញរួច។ Arakawa Residence ក៏ជាក្រុមហ៊ុនទីមួយនៅកម្ពុជាដែលប្រើទុនវិនិយោគរបស់ក្រុមហ៊ុនក្នុងការសាងសង់ទាំងស្រុង ដោយមិនប្រើថវិការរបស់អតិថិជនយកមកសាងសង់ ហើយក៏ជាក្រុមហ៊ុនដំបូងគេនៅកម្ពុជាដែលអតិថិជនអាចទិញដោយពុំចាំបាច់បង់ប្រាក់កក់ ហើយអាចបង់រំលោះដោយមិនមានការប្រាក់ ពោលគឺអាចបង់ប្រាក់ប្រចាំខែចាប់ពី២៩៧ដុល្លារឡើងទៅ។ Arakawa Residence សាងសង់លើផ្ទៃដីជាង១.៣ ហិចតា មានសំណង់អគារសរុបចំនួន១៦ និងមានកំពស់២១ជាន់ស្មើៗគ្នា។ ដំណាក់កាលទី១ដែលមានចំនួន១០អគារនឹងត្រូវបញ្ចប់ជាស្ថាពរនៅខែធ្នូខាងមុខនេះ ហើយដំណាក់កាលទី២ដែលមានចំនួន៦អគារ នឹងសាងសង់រួចនៅចុងខែមិថុនា ឆ្នាំ២០២២។ រាល់ផ្ទះទាំងអស់បែរមុខទៅទិសខាងជើងនិងខាងត្បូងដើម្បីងាយស្រូលក្នុងការស្រួបយកពន្លឺនិងខ្យល់អាកាសគ្រប់រដូវកាល និងបញ្ចៀសកម្តៅដែលជួយសន្សំសំចៃដល់ការប្រើប្រាស់ម៉ាស៊ីនត្រជាក់និងអគ្គិសនី។ Arakawa Residence ត្រូវបានរចនាឡើងសម្រាប់ពលរដ្ឋខ្មែរដែលមានសមាជិកគ្រួសារតិច ចង់បានលំនៅឋានប្រណិត មានបរិកាសល្អ តម្លៃសមរម្យ ស្ថិតនៅជាប់ផ្សារទឹកថ្លា ជាប់មន្ទីរពេទ្យអន្តរជាតិ ជិតសាលារៀននិងសាកលវិទ្យាល័យនានា និងនៅក្បែរផ្សារទំនើប ងាយស្រួលក្នុងការធ្វើដំណើរឬរកការងារធ្វើ។ ពលរដ្ឋដែលមានចំណូលចាប់ពី៦០០ដុល្លារឡើងទៅ អាចទិញបានផ្ទះមួយ ជាប្រភេទស្ទូដីយោឬផ្ទះមានពីរបន្ទប់។ Arakawa Residence បានចាប់ផ្តើមសាងសង់នៅខែវិច្ឆិការ ឆ្នាំ២០១៧។ បច្ចុប្បន្ន លំនៅឋានអារ៉ាខាវ៉ា បានក្លាយជាទីតាំងដ៏សំខាន់មួយសម្រាប់និស្សិតសិក្សាផ្នែកសំណង់ស៊ីវិលចុះមកសិក្សាស្វែងយល់ពីការអនុវត្តជាក់ស្តែង ពិសេសគម្រោងសំណង់ធំៗបែបនេះ។ គួរម្លឹកថា ក្រុមហ៊ុនអារ៉ាខាវ៉ាត្រូវបានបង្កើតឡើងក្នុងឆ្នាំ២០០៨ ដោយវិនិយោគិនខ្មែរនិងជប៉ុន បន្ទាប់ពីទទួលបានជោគជ័យក្នុងការសាងសង់ និងដាក់អោយarakawaដំណើរការរួចមកហើយអាផាតមិនដែលមានឈ្មោះថា Bellevue Serviced Apartments នៅតំបន់ជ្រោយជង្វារ ៕

ព័ត៌មានទាក់ទង

ចុះថ្ងៃទី: 17-09-2020, 08:14 AM, ចំនួនអ្នកអានៈ 8ដង

យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា ការរីករាលដាលនៃជំងឺកូវីដ១៩ នៅតែមានសភាពស្រួចស្រាវចំនួនអ្នកឆ្លង និងស្លាប់ថ្មីនៅតែមានចំនួនច្រើនគិតត្រឹមម៉ោង ៧ព្រឹកថ្ងៃព្រហស្បតិ៍ ទី១៧ ខែកញ្ញា ឆ្នាំ២០២០នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ៣០,០២១,៩៤៥នាក់ហើយ។ ក្នុងនោះអ្នកស�