ធនាគារជាតិនៃកម្ពុជា ប្រារព្ធខួបអនុស្សាវរីយ៍លើកទី៤១ នៃការបង្កើតធនាគារជាតិឡើងវិញ

ទំព័រដើម

ព័ត៌មានថ្មីៗ

កីឡា

សិល្បៈ

សុខភាព និងសម្រស់

សេដ្ឋកិច្ច

ដំណឹងជ្រើសរើសបុគ្គលិក

ធនាគារជាតិនៃកម្ពុជា ប្រារព្ធខួបអនុស្សាវរីយ៍លើកទី៤១ នៃការបង្កើតធនាគារជាតិឡើងវិញ

ចុះថ្ងៃទី: 11-10-2020, 12:29 PM, ចំនួនអ្នកអានៈ 31ដង

រាជធានីភ្នំពេញ ៖ លោក ទេសាភិបាលធនាគារជាតិនៃកម្ពុជា បានឲ្យដឹងដែរថា៖«គិតមកដល់ពេលនេះ ធនាគារជាតិនៃកម្ពុជាមាន រយៈពេល៤១ឆ្នាំហើយ ដែលធនាគារកណ្តាល ត្រូវបានបង្កើតឡើងវិញ ក្រោយថ្ងៃរំដោះ ៧ មករា ១៩៧៩ បន្ទាប់ពីប្រទេសជាតិនិងប្រជាជនកម្ពុជាបានសង្គ្រោះឲ្យរួចចាកផុតចេញពីរបបប្រល័យពូជសាសន៍ប៉ុលពត»ការសម្រេចបង្កើត ធនាគារកណ្តាលនិង រូបិយវត្ថុជាតិឡើងវិញយ៉ាងឆាប់រហ័ស គឺជាការសម្រេចចិត្តដ៏ត្រឹមត្រូវរបស់រាជរដ្ឋាភិបាលកម្ពុជា។ នេះគឺជាការបញ្ជាក់របស់ លោក ជា ចាន់តូ អគ្គទេសាភិបាលធនាគារជាតិនៃកម្ពុជា ក្នុងឱកាសប្រារព្ធខួបអនុស្សាវរីយ៍លើកទី៤១ នៃការបង្កើតធនាគារជាតិនៃកម្ពុជាឡើងវិញ១០ តុលា ១៩៧៩-១០ តុលា ២០២០” ដែលប្រារព្ធធ្វើ នៅអគារធនាគារជាតិ នៃកម្ពុជាសែនសុខ នាព្រឹកថ្ងៃសៅរ៍ ទី១០ ខែ តុលា ឆ្នាំ២០២០។ លោក ជា ចាន់តូក៏បានបញ្ជាក់ពីប្រវត្តិសាស្ត្ររបស់កម្ពុជានៅក្នុងកិច្ចខិតខំប្រឹងប្រែងក្នុងការបង្កើតប្រព័ន្ធរូបិយវត្ថុ ដើម្បីពង្រឹងអធិបតេយ្យជាតិ និងអភិវឌ្ឍសេដ្ឋកិច្ច ឲ្យអ្នកជំនាន់បានដឹងផងដែរ ។ ជាក់ស្ដែងដូចកាលឆ្នាំ១៩៩២ ធនាគារកណ្តាល ត្រូវបានប្តូរឈ្មោះទៅជា “ធនាគារជាតិនៃកម្ពុជា” វិញដើម្បីឲ្យស្របពេលដែល វិស័យសេដ្ឋកិច្ច បានវិវត្តរីកចម្រើនដោយផ្អែកលើយន្តការទីផ្សារ ហើយក៏បានប្រែក្លាយ ជាលំដាប់ទៅរកប្រព័ន្ធធនាគារ២ថ្នាក់ ដែលបានអនុញ្ញាតឲ្យធនាគារកណ្តាល ពង្រឹងតួនាទីជាអាជ្ញាធររូបិយវត្ថុជាតិ និងអាជ្ញាធរ ត្រួតពិនិត្យ ប្រព័ន្ធធនាគារ ។ លោកថា កាលនោះដើមទុនធនាគារជាតិនៃកម្ពុជា បានកើនឡើងជាបន្តបន្ទាប់ពី ៥ប៊ីលានរៀល នៅឆ្នាំ ១៩៩២ ដល់ ១០០ ប៊ីលានរៀល នៅឆ្នាំ២០០០ ។ លោក ជា ចាន់តូ បានបន្តទៀតថា ចាប់ពីឆ្នាំ១៩៩៤ រហូត ដល់ឆ្នាំ២០១៣ ធនាគារជាតិនៃកម្ពុជា បានខិតខំ ប្រឹងប្រែងស្វែងរកទ្រព្យសម្បត្តិជាតិនៅក្រៅប្រទេសដែលជាកេរមរតក មុនឆ្នាំ១៩៧៥ ហើយបានទទួលមកវិញដូចមាស និងរូបិយប័ណ្ណមួយចំនួនទៀត ដែលត្រូវបានរក្សា ទុកនៅក្រៅប្រទេស ។ លោកបន្តថា៖«បច្ចុប្បន្ន នេះដោយសារការរីក ចម្រើនឥតឈប់ឈរនៃសេដ្ឋកិច្ចកម្ពុជា ធនាគារជាតិនៃកម្ពុជា បានគរពូនទុនបម្រុងអន្តរជាតិ ឲ្យកើនឡើងជាលំដាប់ រហូតដល់ ២០ប៊ីលានដុល្លារអាមេរិក (ក្នុងនោះមានមាសប្រមាណ ៤០តោន)គិតត្រឹមថ្ងៃ១០ ខែតុលា ឆ្នាំ២០២០ ដែលមានកម្រិតស្មើនឹង ១០ខែ នៃការនាំចូលទំនិញនិងសេវា ខ្ពស់ជាង ៣ដង នៃកម្រិតអប្បបរមាដែលប្រទេស កំពុង អភិវឌ្ឍន៍គួរមាន (៣ខែ) ។» លោក ជា ចាន់តូ បានគូសរំលេចផងដែរថាចាប់ពីឆ្នាំ២០០០មកប្រព័ន្ធធនាគារបានអភិវឌ្ឍយ៉ាងឆាប់រហ័សប្រកប ដោយ ស្ថិរភាព ក្រោយពីការកែទម្រង់វិស័យធនាគារ ត្រូវបានបញ្ចប់ដោយជោគជ័យ ។ លើសពីនេះ ប្រព័ន្ធធនាគារ ក៏ត្រូវបាន ធ្វើទំនើបកម្មជាបន្តបន្ទាប់ និងបានរួមចំណែកស្នូលក្នុងការរក្សា ស្ថិរភាពម៉ាក្រូសេដ្ឋកិច្ច,គាំទ្រកំណើនសេដ្ឋកិច្ច,លើក កម្ពស់បរិយាបន្នសេដ្ឋកិច្ចនិងសង្គម និងកាត់បន្ថយភាពក្រីក្រ ។ ជារួមនៅក្នុងរយៈពេល២ទសវត្សរ៍នេះអត្រាអតិផរណា ត្រូវបានគ្រប់គ្រងឲ្យមានកម្រិតទាបប្រមាណ ២,៥% ជាមួយនឹងស្ថិរភាពល្អប្រសើរនៃអត្រាប្តូរប្រាក់ក្នុងរង្វង់ ៤.០៥០រៀល ក្នុងមួយដុល្លារអាមេរិក ។ចំណែក ទ្រព្យសកម្មវិស័យធនាគារ បានកើនឡើងយ៉ាងឆាប់រហ័ស ពីប្រមាណត្រឹមតែ ០,៥ ប៊ីលាន ដុល្លារអាមេរិក ក្នុងឆ្នាំ១៩៩៨ ដល់ ៥៦ ប៊ីលានដុល្លារអាមេរិក នាពេលបច្ចុប្បន្ន គឺកើនឡើងប្រមាណ១១២ ដង។ ចំពោះឥណទានវិស័យធនាគារ ដែលត្រូវបានបែងចែកទៅកាន់គ្រប់វិស័យនៃសេដ្ឋកិច្ច និងប្រាក់បញ្ញើក្នុងស្រុកបានកើនឡើង ១៦៥ដងដូចគ្នាគឺពីចំនួនប្រមាណតែ០,២ប៊ីលានដុល្លារអាមេរិក ដល់ជាង៣៣ប៊ីលានដុល្លារអាមេរិក ប្រព័ន្ធធនាគារ។បច្ចុប្បន្នធនាគារជាតិនៃកម្ពុជាបានដើរតួនាទីយ៉ាងសំខាន់នៅក្នុងការរួមចំណែកបង្ការទប់ទល់ និងគ្រប់គ្រងវិបត្តិ និងបានរួមចំណែកជំរុញសមាហរណកម្ម សេដ្ឋកិច្ចកម្ពុជា ទៅក្នុងតំបន់ ដោយ បានជំរុញការធ្វើ សេរីភាវូបនីយកម្មសេវាធនាគារ និងបានតភ្ជាប់ប្រព័ន្ធទូទាត់តាមបច្ចេកវិទ្យាថ្មីៗ ដែលបានជួយសម្រួលដល់ពាណិជ្ជកម្ម និងការវិនិយោគក្នុងតំបន់ថែមទៀតផង៕

ព័ត៌មានទាក់ទង

ចុះថ្ងៃទី: 30-10-2020, 10:59 AM, ចំនួនអ្នកអានៈ 9ដង

រាជធានីភ្នំពេញ៖ កឧត្តម Michael Tan Keng Siong ឯកអគ្គរដ្ឋទូតសិង្ហបុរីប្រចាំកម្ពុជា ដែលនឹងបញ្ចប់បេសកកម្មនាពេលខាងមុខ នារសៀលថ្ងៃទី២៨ ខែតុលា ឆ្នាំ២០២០នេះ បានចូលជួបសម្តែងការគួរសម និងជម្រាបលា ឯកឧត្តម ព្រុំ សុខា រដ្ឋមន្ត្រីក្រសួងមុខងារសាធារណៈ នៅទីស្តីការក្រសួងឯកអគ្គរដ្ឋទូតសិង្ហបុរ�