កម្ពុជា-វៀតណាម សហការរៀបចំព្រឹត្តិការណ៍សប្តាហ៍វប្បធម៌វៀតណាមឆ្នាំ២០២២ នៅកម្ពុជា

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

កម្ពុជា-វៀតណាម សហការរៀបចំព្រឹត្តិការណ៍សប្តាហ៍វប្បធម៌វៀតណាមឆ្នាំ២០២២ នៅកម្ពុជា

ចុះថ្ងៃទី: 10-08-2022, 02:07 PM, ចំនួនអ្នកអានៈ 293ដង

រាជធានីភ្នំពេញ៖ព្រឹត្តិការណ៍សប្តាហ័វប្បធម៌នេះដើម្បីអបអរសាទរឆ្នាំមិត្តភាពកម្ពុជា-វៀតណាម វៀតណាម-កម្ពុជា២០២២ និងខួបទី៥៥នៃទំនាក់ទំនងការទូតរវាងកម្ពុជានិងវៀតណាមនេះ ដែរ ក្រសួងវប្បធម៌កីឡា និងទេសចរណ៍វៀតណាម សហការជាមួយក្រសួងអប់រំនិងបណ្តុះបណ្តាលវៀតណាម និងក្រសួងវប្បធម៌ និង វិចិត្រសិល្បៈកម្ពុជាក៏នឹងរៀបចំទីតាំងសម្រាប់បង្ហាញវប្បធម៌ប្រទេសប្រជាជននិងការអប់រំរបស់វៀតណាមក្នុងក្របខណ្ឌសប្តាហ៍វប្បធម៌វៀតណាមនៅកម្ពុជាឆ្នាំ២០២២ផងដែរ។ នៅអាកាសយានដ្ឋានអន្តរជាតិភ្នំពេញនារសៀលម្សិលមិញ លោក គឹម ពីនន់ អនុរដ្ឋលេខាធិការតំណាងដ៏ខ្ពង់ខ្ពស់លោកជំទាវបណ្ឌិតសភាចារ្យ រដ្ឋមន្ត្រីក្រសួងវប្បធម៌ និងវិចិត្រសិល្បៈ និងក្រុមការងារនាយកដ្ឋានសហប្រតិបត្តិការវប្បធម៌អន្តរជាតិ និងកិច្ចការអាស៊ាន បានទទួលបដិសណ្ឋារកិច្ចគណៈប្រតិភូជាថ្នាក់ដឹកនាំ និង សិល្បករនៃសាធារណរដ្ឋសង្គមនិយមវៀតណាម ដែលដឹកនាំដោយ លោក ហ័ង ដាវគឿង (HOÀNG ĐẠO CƯƠNG) អនុរដ្ឋមន្ត្រីក្រសួងវប្បធម៌ កីឡា និងទេសចរណ៍នៃសាធារណរដ្ឋសង្គមនិយមវៀតណាម ដែលអញ្ជើញមកដល់ព្រះរាជាណាចក្រកម្ពុជា ដើម្បីត្រៀមរៀបចំព្រឹត្តិការណ៍«សប្តាហ៍វប្បធម៌វៀតណាមនៅកម្ពុជា ឆ្នាំ២០២២» អបអរសាទរខួបអនុស្សាវរីយ៍លើកទី៥៥នៃការបង្កើតទំនាក់ទំនងការទូតកម្ពុជា-វៀតណាម។ សូមជម្រាបជូនថា អនុលោមតាមកិច្ចសហប្រតិបត្តិការវប្បធម៌រវាងក្រសួងជំនាញនៃប្រទេសទាំងពីរ សម្រាប់ឆ្នាំ២០១៨-២០២២ សប្តាហ៍ វប្បធម៌វៀតណាម និងសប្តាហ៍វប្បធម៌កម្ពុជា ត្រូវបានរៀបចំជាបន្តបន្ទាប់ក្នុងខែសីហា និងខែកញ្ញាក្នុងឆ្នាំនេះ។ ជាមួយនឹងមូលបទ «បេតិកភណ្ឌនិងការអភិវឌ្ឍមនុស្ស» ដែលនឹងរៀបចំពីថ្ងៃទី១០ដល់ថ្ងៃ១៤ ខែ សីហា ឆ្នាំ២០២២ ពិព័រណ៍វប្បធម៌-អប់រំវៀតណាម ដាក់បង្ហាញរូបថតជាង៥០ ដែលឆ្លុះបញ្ចាំងពីវប្បធម៌ ទេសភាពនិងជីវភាពរស់នៅរបស់ ប្រជាជនវៀតណាម។ សូមបញ្ជាក់ថា ប្រទេសកម្ពុជា និងប្រទេសវៀតណាម បានភ្ជាប់ទំនាក់ទំនងការទូតជាផ្លូវការនៅថ្ងៃទី២៤ មិថុនា ១៩៦៧ រហូតមកដល់ឆ្នាំ២០២២នេះ គឺមានរយៈពេល៥៥ឆ្នាំហើយ ដោយទំនាក់ទំនងរបស់ប្រទេសយើងទាំងពីរនាពេលបច្ចុប្បន្ន ត្រូវបានចាត់ទុកថាជាកិច្ចសហប្រតិបត្តិការដៃគូគ្រប់ជ្រុងជ្រោយ៕

ព័ត៌មានទាក់ទង

ចុះថ្ងៃទី: 07-01-2026, 03:49 PM, ចំនួនអ្នកអានៈ 0ដង

តាមរដ្ឋាភិបាលវ៉េណេស៊ុយអេឡា មន្ត្រីវ៉េណេស៊ុយអេឡាខ្ទង់ ២០នាក់ ត្រូវបានសម្លាប់ក្នុងការវាយប្រហារនោះ។ រដ្ឋាភិបាលគុយបា បានឱ្យដឹងថា មន្ត្រីយោធា និងប៉ូលិសរបស់ខ្លួនចំនួន ៣២នាក់ ដែលធ្វើការនៅវ៉េណេស៊ុយអេឡា ក៏ត្រូវបានសម្លាប់ផងដែរ ហើយបានប្រកាសកាន់ទុក្ខរយៈពេល ២ថ្ងៃ។ កាលពីថ្ងៃអង្គារសប្ត