បើតាមការរាប់សន្លឹកឆ្នោតនៃការបោះឆ្នោតប្រធានាធិបតីស្ទើរតែទាំងស្រុង កាលពីថ្ងៃអាទិត្យចុងសប្ដាហ៍កន្លងទៅនេះ លោក លូឡា ទទួលបានសំឡេងគាំទ្រ ៤៨ភាគរយ ទល់នឹង ៤៣ភាគរយ របស់លោក ប៊ុលសូណារ៉ូ។ ប៉ុន្តែ លោក លូឡា ត្រូវការសំលេងគាំទ្រ ៥០ភាគរយ ដើម្បីទទួលបានជ័យជម្នះពេញលេញ។ ឥឡូវនេះអ្នកបោះឆ្នោតមានពេល ៤សប្តាហ៍ ដើម្បីសម្រេចចិត្តថាតើក្នុងចំណោមអ្នកទាំងពីរ មួយរូបណាដែលគួរតែក្លាយជាមេដឹកនាំថ្មីរបស់ប្រេស៊ីល។ ការបោះឆ្នោតនៅក្នុងប្រទេសប្រេស៊ីល នឹងត្រូវឈានចូលដល់ជុំទី២ ខណៈមេដឹកនាំឆ្វេងនិយម លោក លូអ៉ីស អ៉ីណាស្យូ លូឡា ដាស៉ីលវ៉ា (Luiz Inácio Lula da Silva) នឹងត្រូវប្រកួតប្រជែងជាមួយលោក ហ្សាអៀ ប៊ុលសូណារ៉ូ (Jair Bolsonaro) ដែលជាកំពុងកាន់តំណែងជាប្រធានាធិបតី ប្រេស៊ីលសព្វថ្ងៃ។ នេះបើយោងតាមការចុះផ្សាយដោយទីភ្នាក់ងារសារព័ត៌មាន AFP ថ្ងៃចន្ទ ទី៣ ខែតុលា ឆ្នាំ២០២២។ គួរបញ្ជាក់ថា នៅក្នុងករណីដែលគ្មានបេក្ខជនប្រធានាធិបតីណាម្នាក់ អាចទទួលបានសំឡេងគាំទ្រ ៥០ភាគរយទេ នោះការបោះឆ្នោតនឹងត្រូវបន្តធ្វើនៅជុំទី២ ដែលនឹងប្រព្រឹត្តទៅនៅថ្ងៃទី៣០ ខែតុលានេះ៕

ព័ត៌មានទាក់ទង