ក្រសួងសេដ្ឋកិច្ច៖ កំណើនអតិផរណាបានកើនឡើងដល់ ៧.៤% ក្នុងត្រីមាសទី២ ឆ្នាំ២០២២

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

ក្រសួងសេដ្ឋកិច្ច៖ កំណើនអតិផរណាបានកើនឡើងដល់ ៧.៤% ក្នុងត្រីមាសទី២ ឆ្នាំ២០២២

ចុះថ្ងៃទី: 22-11-2022, 05:21 PM, ចំនួនអ្នកអានៈ 338ដង

រាជធានីភ្នំពេញ:តាមរយៈទិន្នន័យនេះបង្ហាញថា អត្រាអតិផរណាក្នុងត្រីមាសទី២ នៅឆ្នាំ២០២២ គឺជាអត្រាដ៏ខ្ពស់មួយដែលមិនធ្លាប់មានពីមុនមក ក្នុងរយៈពេល៧ឆ្នាំចុងក្រោយនេះ ពោលគឺចាប់តាំងពីឆ្នាំ២០១៦ ដោយសារតែការកើនឡើងនៃតម្លៃប្រេងសាំង និងការកើនឡើងនៃតម្លៃទំនិញផ្សេងៗ បន្ទាប់ពីកើតមានវិបត្តិសកលផ្ទួនៗគ្នា បើទោះបីជាកម្ពុជា រក្សាបាននូវលំនឹងនៃអត្រាប្តូរប្រាក់ក៏ដោយ។ ក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា ក្នុងត្រីមាសទី២ សន្ទស្សន៍ថ្លៃសាច់ជ្រូកបានកើនឡើង៥.៩%, ត្រី ៥.៦%, ឧស្ម័ន (Gas) កើន២៧.៩%, ប្រេងសាំងធម្មតា ៤៨.៥% ។ ចំណែកទំនិញ និងសេវាកម្មផ្សេងៗ បានកើនឡើងដល់៤.៩% អតិផរណាជាមធ្យមប្រចាំត្រីមាសទី២ ឆ្នាំ២០២២នេះ បានកើនឡើងដល់ ៧.៤% ខណៈកាលពីត្រីមាសទី២ ឆ្នាំ២០២១ មានអត្រាត្រឹមតែ២.៨%ប៉ុណ្ណោះ។ ចំណែកអត្រាប្តូរប្រាក់ ក្នុងត្រីមាសទី២ឆ្នាំនេះ ជាមធ្យមក្នុងរង្វង់ ៤ ០៦៥.១រៀលក្នុងមួយដុល្លារអាមេរិក ធ្លាក់ចុះ ០.២%។ ទន្ទឹមគ្នានេះ ក្រសួងសេដ្ឋកិច្ចក៏បានបង្ហាញសន្ទស្សន៍ថ្លៃទំនិញសំខាន់ៗ លើទីផ្សារអន្តរជាតិផងដែរ រួមមាន ប្រេងឆៅថ្លៃ ១១០.១៩៩ដុល្លារក្នុងមួយបារ៉ែល កើនឡើង៦៤.២%, កៅស៊ូ (TSR20) តម្លៃ១ ៦៥២.១០ដុល្លារក្នុងមួយតោន ថយចុះ៣%, មាសថ្លៃ ២ ០៥៦.០១ដុល្លារក្នុងមួយអោន កើនឡើង៣.៣% និងអង្ករ (បាក់៥%) ថ្លៃ៤៤៦.៣៣ដុល្លារក្នុងមួយតោន ថយចុះ៧.៩% បើធៀបនឹងរយៈពេលដូចគ្នាកាលពីឆ្នាំ២០២១ ។ ក្រសួងសេដ្ឋកិច្ចបានលើកឡើងថា «សេដ្ឋកិច្ចសកល បាននិងកំពុងងើបឡើងបណ្តើរៗ និងរំពឹងថានឹងសម្រេចបានកំណើន ៣.២% ក្នុងឆ្នាំ២០២២ ដោយប្រទេសភាគច្រើន បាននិងកំពុងជំរុញវិធានការគោលនយោបាយស្តារសេដ្ឋកិច្ចឡើងវិញ, ពន្លឿនការចាក់វ៉ាក់សាំងបន្ថែម និងធ្វើអន្តារាគមន៍នានា ដើម្បីបន្តបង្កើនភាពស៊ាំសហគមន៍រឹងមាំ និងការរស់នៅក្នុងគន្លងប្រក្រីតីភាពថ្មី ។ ទោះបីជាយ៉ាងនេះក្តី កំណើនសេដ្ឋកិច្ចសកល មានកំណើនទាបជាងការព្យាករណ៍ ក្នុងខែមេសា ដោយសារការថមថយកំណើននៃសេដ្ឋកិច្ចចិន សហរដ្ឋអាមេរិក និងឥណ្ឌា, ការរឹតបន្តឹងគោលនយោបាយរូបិយវត្ថុសកល, ការអូសបន្លាយនៃសង្រ្គាមនៅអ៊ុយក្រែន និងការលេចឡើងនូវជំងឺកូវីដ១៩ បំប្លែងថ្មី ដែលធ្វើឱ្យរំខាន និងបង្កភាពរអាក់រអួលនៃខ្សែច្រវ៉ាក់ផ្គត់ផ្គង់ក្នុងសេដ្ឋកិច្ច ក៏ដូចជាបានធ្វើឱ្យអត្រាអតិផរណា, ថ្លៃប្រេងឥន្ទនៈ, ថ្លៃម្ហូបអាហារ និងថ្លៃទំនិញមួយចំនួនទៀត មានការកើនឡើងខ្ពស់»។ រាជរដ្ឋាភិបាលកម្ពុជា បានបន្តអនុវត្តវិធានការអន្តរាគមន៍ ដូចជាការឧបត្ថម្ភសាច់ប្រាក់ដល់ប្រជាជនងាយរងគ្រោះ និងការផ្តល់ប្រាក់ឧបត្ថម្ភដល់កម្មករ-និយោជិត ក្នុងអំឡុងពេលព្យួរការងារជាដើម។ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ធ្លាប់បានលើកឡើងកាលពីពេលកន្លងមកថា រាជរដ្ឋាភិបាលបាន និងកំពុងពន្លឿន ការរៀបចំកម្មវិធីឧបត្ថម្ភសាច់ប្រាក់ ជូនគ្រួសារងាយរងហានិភ័យ ក្នុងអំឡុងពេលមានសម្ពាធអតិផរណា ដែលអាចនឹងចាប់ផ្តើមនៅមុនដំណាច់ឆ្នាំ២០២២នេះ ដើម្បីជួយរក្សាលំនឹងជីវភាពពលរដ្ឋ ដែលងាយរងគ្រោះ៕

ព័ត៌មានទាក់ទង

ឧបនាយករដ្ឋមន្ត្រី អូន ព័ន្ធមុនីរ័ត្ន៖ ការកើនឡើងកំណើនសេដ្ឋកិច្ច, លំហូរវិនិយោគបរទេស, ការនាំចេញ និងទេសចរ ឆ្លុះបញ្ចាំងថាយុទ្ធសាស្ត្របញ្ចកោណ ដំណាក់កាលទី១ នៅតែត្រឹមត្រូវ, ចាំបាច់ និងសមស្រប

ចុះថ្ងៃទី: 20-01-2026, 07:01 PM, ចំនួនអ្នកអានៈ 54ដង

រាជធានីភ្នំពេញ៖អគ្គបណ្ឌិតសភាចារ្យ អូន ព័ន្ធមុនីរ័ត្ន បានគូសបញ្ជាក់ថា សេដ្ឋកិច្ចកម្ពុជា បានស្ទុះងើបឡើងវិញយ៉ាងរហ័ស និងបន្តឈរលើមាគ៌ានៃកំណើនដ៏រឹងមាំ បន្ទាប់ពីវិបត្តិនៃជំងឺកូវីដ-១៩ ជាសកល ទោះបីជាត្រូវបន្តពុះពារជម្នះ នូវបញ្ហាប្រឈម និង ភាពមិនប្រាកដប្រជាខ្ពស់ នៃស្ថានភាព តំបន់ និង សកល ដោយសារការ�