ប្រភពពីគេហទំព័រព័ត៌មាន Semafor បានរាយការណ៍មកថា មូលនិធិដែល Microsoft កំពុងវិនិយោគនេះនឹងរួមបញ្ចូលជាមួយនឹងក្រុមហ៊ុនបណ្តាក់ទុនផ្សេងទៀតក្នុងការផ្តល់មូលនិធិទៅក្នុងបច្ចេកវិទ្យា OpenAI ដែលមានមូលដ្ឋាននៅទីក្រុង San Francisco។ យ៉ាងណាមិញជុំវិញការវិនិយោគរួមគ្នានេះត្រូវបានគេរំពឹងថា អាចនឹងមានតម្លៃសរុបខ្ទង់ ២៩ពាន់លានដុល្លារឯណោះ៕ ថ្មីៗនេះទទួលដំណឹងថា ក្រុមហ៊ុន Microsoft Corp គ្រោងវិនិយោគប្រមាណ ១០ពាន់លានដុល្លារទៅក្នុងបច្ចេកវិទ្យា ChatGPT ដែលត្រូវបានបង្កើតឡើងដោយក្រុមហ៊ុន OpenAI Inc។ ខណៈការវិនិយោគនេះត្រូវបានគេលើកឡើងថា Microsoft ទំនងជានឹងបញ្ចូលបច្ចេកវិទ្យា ChatGPT ទៅក្នុងកម្មវិធី Bing ដើម្បីបង្កើនសមត្ថភាព Search Engine របស់ខ្លួនក្នុងការប្រកួតប្រជែងជាមួយ Google។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី១០ ខែមករា ឆ្នាំ២០២៣។ គួរបញ្ជាក់ដែរថា ក្រុមហ៊ុន OpenAI ត្រូវបានបង្កើតឡើងដោយលោក Elon Musk និងអ្នកវិយោគផ្សេងទៀតកាលពីឆ្នាំ២០១៥ ចំណែកឯមុខងារ ChatGPT ទើបតែត្រូវបានដាក់ឱ្យដំណើរការជាសាធារណៈ ក្នុងកម្រិតសាកល្បងកាលពីអំឡុងខែវិច្ឆិកា ឆ្នាំ២០២២ប៉ុណ្ណោះ។ អ្វីដែលគួរឱ្យចាប់អារម្មទៅលើមុខងារ ChatGPT នេះគឺវាអាចសន្ទនា និងអាចឆ្លើយតបទៅនឹងសំណួររបស់អ្នកប្រើប្រាស់បានដូចទៅនឹងមនុស្សអីចឹង៕

ព័ត៌មានទាក់ទង