ទូកនេសាទវៀតណាមសម្រុកចូលនេសាទក្នុងដែនសមុទ្រកម្ពុជានៃតំបន់កោះឆ្លាមខេត្តកោះកុង យ៉ាងអាណាធិបតេយ្

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

ទូកនេសាទវៀតណាមសម្រុកចូលនេសាទក្នុងដែនសមុទ្រកម្ពុជានៃតំបន់កោះឆ្លាមខេត្តកោះកុង យ៉ាងអាណាធិបតេយ្

ចុះថ្ងៃទី: 24-01-2023, 05:11 PM, ចំនួនអ្នកអានៈ 26ដង

ខេត្តកោះកុង:ពាក់ពន្ធករណីនោះ គេគួរតែរម្លឹកថា មូលហេតុដែលបណ្តាលអោយប្រទេសកម្ពុជានៅតែបន្តជាប់កាតក្រហមពីក្រុមប្រទេសសហភាពអឺរ៉ុបសារជាថ្មីចាប់ពីដើមឆ្នាំ២០២៣ នេះតទៅទៀត និងមិនអាចនាំផលនេសាទសមុទ្រទៅកាន់ទីផ្សារអឺរ៉ុបបានទៀតនោះ គឺដោយសារតែបទល្មើសនេសាទក្នុងដែនសមុទ្រកម្ពុជា នៅតែគ្មានការបង្ក្រាបពី សមត្ថកិច្ច ។ ផ្ទុយទៅវិញកាន់តែផ្គើននិងមានការឃុបឃិតគ្នាដោយបន្ត បើកដៃអោយមេខ្យល់ជនជាតិវៀតណាមពីរនាក់ប្តីប្រពន្ឋនោះ នាំទូកនេសាទចូលមកនេសាទខុសច្បាប់ជាបន្តបន្ទាប់យ៉ាងអាណាធិបតេយ្យ។ តាមប្រភពពីប្រជានេសាទ នៅឃុំកោះស្តេច ស្រុកគីរីសាគរ ខេត្តកោះកុង បានបញ្ជាក់ច្បាស់ថា ស្ត្រីជនជាតិវៀតណាមខាងលើមានឈ្មោះ ង្វៀន ថាន់ទៀង គឺជាមេខ្យល់ធំតែម្នាក់គត់របស់សមត្ថកិច្ចលើផ្ទៃសមុទ្រ ទាំង៣ស្ថាប័នក្នុងនោះ មានស្ថាប័នទាហ៊ានជើងទឹក ស្ថាប័នប៉ូលីសជើងទឹក និង ស្ថាប័នជលផលសមុទ្រដែលជាស្ថាប័នជំនាញ ។ ប្រភពពីប្រជានេសាទបានឲ្យដឹងថាប៉ុន្មានខែកន្លងមកនេះ គេឃើញទូកនេសាទវៀតណាមដែលប្រើឧបករណ៍ទំនើបៗខុសច្បាប់រាប់រយគ្រឿងបានសម្រុកចូលមកនេសាទយ៉ាងអាណាធិបតេយ្យនៅក្នុងដែនសមុទ្រកម្ពុជាពិសេសនៅចំណុចកោះឆ្លាមទឹកដីខេត្តកោះកុង។ប៉ុន្តែតាមប្រជានេសាទក្រុមទូកនេសាទវៀតណាមដែលសម្រុកចូលមកនេសាទនោះគឺមានការបង់ប្រាក់យ៉ាងទៀងទាត់ឲ្យខាងសមត្ថកិច្ចនិងមន្ត្រីជំនាញជលផល ដោយទូកមួយគ្រឿង១០០០ដុល្លារក្នុងមួយខែៗ ខណដែលការបង់ប្រាក់នោះគឺធ្វើទ្បើងតាមស្ត្រីនិងបុរសប្តីប្រពន្ធជាជនជាតិវៀតណាមម្នាក់ដែលគេបានដេញថ្លៃនិងទទួលខុសត្រូវក្នុងការប្រមូលលុយ ដោយមិនឲ្យរំលងទូកមួយគ្រឿងណាទ្បើយ។ ប្រភពដដែលបានបញ្ជាក់ច្បាស់ថា ទូកនេសាទវៀតណាមដែលកំពុងធ្វើនេសាទក្នុងដែនសមុទ្រកម្ពុជាសព្វថ្ងៃមានចំនួនរាប់រយគ្រឿង ដែលស្ត្រីជនជាតិវៀតណាមខាងលើ ជាអ្នកនាំចូលមក ប្រគល់អោយគណៈកម្មការបង្ក្រាបបទល្មើសលើផ្ទៃសមុទ្រ ដល់ស្នាក់ការប្រចាំការនៅលើកោះស្តេចតែម្តង ។ ចំណែកស្ត្រីជនជាតិវៀតណាមពីរនាក់ប្តីប្រពន្ឋ ក៏តាំងទីលំនៅអចិន្ត្រៃយ៍នៅលើភូមិកោះស្តេច ជិតស្នាក់ការសមត្ថកិច្ចនោះផងដែរ។ ប្រភពដដែលបន្តទៀតថា ទូកនេសាទវៀតណាមល្មើសច្បាប់រាប់រយគ្រឿងនោះបានប្រើឧបករណ៍នេសាទទំនើបខុសៗគ្នាមានដូចទូកអូសគូ ទូកភ្លើងព័ទ្ឋត្រី ទូកភ្លើងព័ទ្ឋមឹក និង ទូកមុជទឹកបាញ់និងឆក់ត្រី។ល។ ទូកនេសាទខុសច្បាប់ទាំងនេះ ត្រូវបានបង់លុយអោយគណៈកម្មការបង្ក្រាបបទល្មើសលើផ្ទៃសមុទ្រចាប់ពី ១០០០ដុល្លារទៅ ១៣០០ដុល្លារ ក្នុងមូយខែៗ សំរាប់ទូកមួយគ្រឿងតាមទូកធំឬទូកតូច ហើយលុយទាំងនេះ ត្រូវបានមេខ្យល់ឈ្មោះ ង្វៀន ថាន់ទៀង ជាអ្នកប្រមូលអោយសមត្ថកិច្ច ជាប្រចាំ ។ ប្រភពដដែលបានអះអាងទៀតថា មេខ្យល់វៀតណាមម្នាក់នេះ ក្រៅពីធ្វើសកម្មភាពនាំទូកយួនចូលនេសាទខុសច្បាប់ ក៏ជាអ្នកផ្គត់ផ្គង់ចែកចាយស្បៀងអាហារដូចជា បន្លែ សាច់ ទឹកកកផ្លាស្សេ និងប្រេងឥន្ឋនៈ អោយទូកនេសាទខុសច្បាប់ទាំងនោះថែមទៀតផង។ ការធ្វើបែបនេះគឺដើម្បីកុំអោយទូកនេសាទល្មើសច្បាប់ទាំងនោះចូលមកចតក្បែរទីប្រជុំជននោះទេ ។ ប្រភពខាងលើបានបញ្ជាក់ទៀតថា សកម្មភាពបើកដៃអោយទូកនេសាទបរទេសចូលធ្វើនេសាទក្នុងដែនសមុទ្រជាថ្នូរនិងការបង់លុយប្រចាំខែឲ្យសមត្ថកិច្ចខ្មែរខាងលើនេះ មិនមែនជារឿងថ្មីទើបនឹងកើតទេ គឺបានអូសបន្លាយជិតមួយទសវត្សន៍មកហើយ តាំងពីឆ្នាំ២០១៤ ជារៀងរហូតមក ដល់ពេលនេះ។ ពាក់ព័ន្ធនឹងរឿងអាស្រូវបើកដៃអោយទូកនេសាទបរទេសចូលលុកលុយ ក្នុងដែនសមុទ្រខ្មែរនេះ ភ្នំពេញថ្មីបានទំនាក់ទំនងទូរស័ព្ទដើម្បីសុំការបំភ្លឺទៅលោក ពុំ សុថា អគ្គនាយកជលផលសមុទ្រ និងលោកឧត្តមនាវីទោ ឯក សំអាន ប្រធានក្រុមកប៉ាល់បង្ក្រាបរបស់ទាហ៊ានជើងទឹកប្រចាំការនៅស្នាក់ការបង្ក្រាបបទល្មើសលើផ្ទៃសមុទ្រ(កោះស្តេច) ប៉ុន្តែទូរស័ព្ទចូលគ្មានអ្នកទទួលនោះទេ ។ ចំណែកលោកឧត្តមសេនីយ៍ត្រីអនុប្រធានាយកដ្ឋាននគរបាលព្រំដែនទឹក ប្រចាំការនៅទីបញ្ជាការស្រាលខេត្តព្រះសីហនុ បានឆ្លើយថា លោកអត់បានដឹងរឿងរ៉ាវទាំងអស់នេះទេ ព្រោះលោកទើបតែមកទទួលតំណែងនេះជំនួសលោកប្រធានចាស់ត្រូវចូលនិវត្តន៍ ៕

ព័ត៌មានទាក់ទង

ចុះថ្ងៃទី: 03-02-2023, 02:21 PM, ចំនួនអ្នកអានៈ 8ដង

លោក បឺន បានលើកឡើងថា យោងតាមព័ត៌មានស៉ើបការណ៍សម្ងាត់ សហរដ្ឋអាមេរិកជឿជាក់ថា លោក ស៉ី ជីនពីង ទំនងជាបញ្ជាដល់យោធារបស់លោក ត្រៀមលក្ខណៈឱ្យបានរួចរាល់ សម្រាប់ការលើកទ័ពវាយលុកចូលតៃវ៉ាន់ យ៉ាងយូរនៅត្រឹមឆ្នាំ២០២៧។ បើតាមនាយក CIA រូបនេះ វាមិនមែនមានន័យច្បាស់ថា លោក ស៉ី បានសម្រេចចិត្តបើកការឈ្លានពាននៅឆ្នាំ២០២៧