រាជធានី​ភ្នំពេញ ៖នៅទូទាំងប្រទេសទទួលបានភ្ញៀវសរុប២៨៩,២០៨នាក់ ក្នុងនោះភ្ញៀវជាតិ២៣៨,១៩១នាក់ និងភ្ញៀវបរទេសផ្ទៃក្នុង៥១,០១៧នាក់ចុងប្រចាំសប្តាហ៍ចាប់ពីថ្ងៃទី២៧ ខែកុម្ភៈ ដល់ថ្ងៃទី៥ ខែមីនា ឆ្នាំ២០២៣។ គោលដៅទេសចរណ៍សំខាន់ៗ រួមមាន៖ * ខេត្តព្រះសីហនុ ៦៩,៩៤៩នាក់ * ខេត្តសៀមរាប ៤០,១២០នាក់ * រាជធានីភ្នំពេញ ៣៩,១៤៣នាក់ * ខេត្តកំពត ២៦,២៦២នាក់ * ខេត្តបាត់ដំបង ២០,៩២០នាក់ * ខេត្តកំពង់ចាម ១៤,៣៦៤នាក់ * ខេត្តពោធិ៍សាត់ ១០,៨៥២នាក់។ លោករដ្ឋមន្ត្រីកត់សម្គាល់ថា ចរន្តភ្ញៀវទេសចរក្នុងស្រុកសម្រាប់សប្តាហ៍ដំបូងនៃខែមីនានេះ បន្តស្ថិតក្នុងរង្វង់ជិត​ ៣០ម៉ឺននាក់ក្នុងមួយសប្តាហ៍។ លោកបានបន្តថា គោលដៅទេសចរណ៍សំខាន់ដូចជាខេត្តសៀមរាប កំណើនភ្ញៀវទេសចរក្នុងស្រុក និងលំហូរចូលជាបន្តបន្ទាប់នៃចរន្តភ្ញៀវទេសចរអន្តរជាតិបាននិងកំពុងចូលរួមធ្វើឲ្យសកម្មភាពសេដ្ឋកិច្ច សង្គម ពិសេសមូលដ្ឋានអាជីវម្មទេសចរណ៍មានសកម្មភាពច្រើនជាងមុន។ កាលពីយប់ថ្ងៃទី៣ ខែមីនានេះ ជើងហោះហើរឡើងវិញលើកទី១ ពីសៀងហៃ-សៀមរាបក៏បានចាប់ផ្តើមដែលមានទេសចរចិន១២០នាក់។ ដោយឡែក ក្រុមការងារក្រសួងទេសចរណ៍ រដ្ឋបាលខេត្តកំពង់ធំ និងគណៈកម្មការអន្តរក្រសួងបាននិងកំពុងដុតដៃដុតជើងក្នុងការរៀបចំពិធីបុណ្យទន្លេ ដែលនឹងប្រារព្វឡើងចាប់ពីថ្ងៃទី៨-១០ ខែមីនា ឆ្នាំ២០២៣នេះ បាននិងកំពុងទាក់ទាញប្រជាពលរដ្ឋ និងភ្ញៀវទេសចរក្នុងស្រុកជាបណ្តើរៗផងដែរ៕

ព័ត៌មានទាក់ទង