សម្ពោធចាក់បញ្ចាំងជាផ្លូវការភាពយន្តឯកសាររឿង ការរស់ឡើងវិញនៃគុនល្បុក្កតោ

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

សម្ពោធចាក់បញ្ចាំងជាផ្លូវការភាពយន្តឯកសាររឿង ការរស់ឡើងវិញនៃគុនល្បុក្កតោ

ចុះថ្ងៃទី: 23-05-2023, 02:57 PM, ចំនួនអ្នកអានៈ 277ដង

ការរស់ឡើងវិញនៃគុនល្បុក្កតោ គឺជារឿងបែបជីវិតពិត ស្តីពីការរស់ឡើងវិញនៃក្បាច់គុនល្បុក្កតោ។ ជាដំណើររឿងដ៏អស្ចារ្យអំពីជ័យជំនះ ការបាត់បង់ និងការរស់រានមានជីវិត ដើម្បីទាមទារអត្តសញ្ញាណ វប្បធម៌ខ្មែរឡើងវិញ និងកសាងសម្ព័ន្ធភាពរពីជំនាន់មួយទៅជំនាន់ មួយ។ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រី ក្រសួងវប្បធម៌និងវិចិត្រសិល្បៈ កាលពីម្សិលមិញបានអញ្ជើញចូលរួមក្នុងពិធីសម្ពោធចាក់បញ្ចាំងភាពយន្តឯកសារមានចំណងជើងថា ការរស់ឡើងវិញនៃគុនល្បុក្កតោ នៅរោងភាពយន្ត ឡេជេន ស៊ីណេមា សាខាអូឡាំព្យាមល។ ភាពយន្តនេះត្រូវបានចំណាយពេលថតជាង៥ឆ្នាំ ខណដែលខ្សែភាពយន្តមួយនេះ បានបង្ហាញពីដំណើរតស៊ូរបស់លោកគ្រូតា គុនល្បុក្កតោ សាន គឹមស៊ាន អ្នករស់រានមានជីវិតពីរបបប្រល័យពូជសាសន៍កម្ពុជា ដែលជួយឱ្យក្បាច់គុនបុរណនេះរស់ឡើងវិញ និងរក្សាគុននេះឱ្យ គង់នៅ សម្រាប់កូនខ្មែរជំនាន់ក្រោយ។ គុនល្បុក្កតោបានប្រឈមនឹងការបាត់បង់ក្នុងសម័យខ្មែរក្រហម ដូចនឹងប្រពៃណីវប្បធម៌ជាច្រើនទៀតរបស់កម្ពុជាផងដែរ ។ ដោយសារតែការខិតខំប្រឹងប្រែងរបស់លោកគ្រូតា និងគ្រូដែលនៅរស់រានមានជីវិត សព្វថ្ងៃនេះ ល្បុក្កតោបានក្លាយជានិមិត្តរូបនៃមោទនភាពជាតិ និងកម្លាំងចិត្តរបស់ខ្មែរ។ ភាពយន្តនេះ បានសហការផលិតដោយផលិតកម្ម តេជៈ ភាពយន្ត រួមជាមួយផលិតកម្ម កងចក្រ ភីកឈ័រ និងផលិតកម្ម Cineboxx Film មកពីប្រទេសកាណាដា។ សូមបញ្ជាក់ជូនថា ភាពយន្តឯកសារនេះ នឹងធ្វើការចាក់បញ្ចាំងជាសាធារណៈចាប់ពីថ្ងៃទី២៥ ខែឧសភា ឆ្នាំ២០២៣ នេះតទៅ នៅគ្រប់រោងភាពយន្តក្នុងព្រះរាជាណាចក្រកម្ពុជា៕

ព័ត៌មានទាក់ទង

ចុះថ្ងៃទី: 04-12-2025, 07:02 PM, ចំនួនអ្នកអានៈ 58ដង

រាជធានីភ្នំពេញ៖នៅថ្ងៃទី០៤ ខែធ្នូ ឆ្នាំ២០២៥នេះ ឧកញ៉ា ឡាយ ឈុនហួ ប្រធានសហព័ន្ធស្រូវអង្ករកម្ពុជា បានថ្លែងថា «ការកើនឡើងបរិមាណនេះ មិនដែលធ្លាប់មាននោះទេ ក្នុងរយៈពេល១៣-១៤ឆ្នាំ ដែលកម្ពុជា បាននាំចេញអង្ករទៅក្រៅប្រទេស ខណៈភាគច្រើន ជាមធ្យមនាំចេញ ៦០ទៅ៦៥ម៉ឺនតោន ក្នុងមួយឆ្នាំ»។ ជាប្រវិត្ដសាស្ដ្រថ្មីមួយ