កម្ពុជា-ថៃ ជួបពិភាក្សាគម្រោងស្នើសុំបើកច្រកព្រំដែនថ្មីតំបន់ភ្នំឆ័ត្រស្រុកស្វាយចេក

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

កម្ពុជា-ថៃ ជួបពិភាក្សាគម្រោងស្នើសុំបើកច្រកព្រំដែនថ្មីតំបន់ភ្នំឆ័ត្រស្រុកស្វាយចេក

ចុះថ្ងៃទី: 03-06-2023, 10:31 AM, ចំនួនអ្នកអានៈ 61ដង

បន្ទាយមានជ័យ ៖មន្ត្រីសាលាខេត្តបន្ទាយមានជ័យបានឲ្យដឹងថា កិច្ចពិភាក្សាលើកទី១ ដែលខេត្តបន្ទាយមានជ័យធ្វើម្ចាស់ផ្ទះនេះធ្វើនៅសាលាខេត្តបន្ទាយមានជ័យដឹកនាំដោយលោកអ៊ុំ រាត្រី អភិបាលខេត្តហើយភាគីថៃ ដឹកនាំដោយលោកភូមិវ៉ាត់ ឧត្តមស័ព្ទ អភិបាលរងខេត្តស្រះកែវ។ រដ្ឋបាលខេត្តបន្ទាយមានជ័យនិងរដ្ឋបាលខេត្តស្រះកែវបានជួបគ្នាជាផ្លូវការកម្រឹតខេត្តលើកដំបូងដើម្បីពិភាក្សាស្តីពីគម្រោងស្នើសុំបើកច្រកព្រំដែនថ្មីមួយនៅតំបន់ភ្នំឆ័ត្រស្រុកស្វាយចេករ-បានទ័ពសៀមស្រុកតាប្រាយ៉ា ។ គម្រោងបើកច្រកព្រំដែននេះដើម្បីសម្រួលទំនាក់ទំនង ការឆ្លងកាត់ព្រំដែនរបស់ប្រជាពលរដ្ឋនិងការដោះដូរទំនិញរវាងប្រទេសទាំងពីរ ។ ភាគីទាំងពីរក៏បានលើកឡើងពីគោលនយោបាយនៃរាជរដ្ឋាភិបាលប្រទេសនីមួយៗ ,ពីស្មារតីខ្លឹមសារនៃកិច្ចប្រជុំបន្តបន្ទាប់ស្របតាមស្មារតីនៃកិច្ចប្រជុំរវាងរដ្ឋមន្ត្រីក្រសួងមហាផ្ទៃនិងអភិបាលខេត្តជាប់ព្រំដែនកម្ពុជា ថៃដែលឯកភាពគ្នាថា រវាងស្រុក/ក្រុងមួយដែលមានព្រំដែនជាប់គ្នាត្រូវតែបើកច្រកព្រំដែនអោយបានយ៉ាងតិច១ច្រក,ស្មារតីខ្លឹមសារនៃកិច្ចប្រជុំគណ:កម្មាធិការព្រំដែនថ្នាក់ភូមិភាគ(RBC)និងកិច្ចប្រជុំគណ:កម្មាធិការព្រំដែនតំបន់(PBC)កន្លងមកដែលតែងស្នើបើកច្រកព្រំដែនទ្វេរភាគី,ច្រកតំបន់ព្រំដែនតំបន់និងច្រកព្រំដែនអន្តរជាតិថ្មីនៅភូមិសាស្ត្រខេត្ត ស្រុកក្រុង ឃុំ សង្កាត់ដែលមិនទាន់មានច្រក។ ភាគីទាំងពីរក៏បានឯកភាពគ្នានឹងលើកយកប្រធានបទនេះបញ្ចូលក្នុងកិច្ចប្រជុំថ្នាក់ខេត្ត និងថ្នាក់ភូមិភាគដែលប្តូរវេនម្ចាស់ផ្ទះខាងមុខទៀត ហើយនឹងធ្វើរបាយការណ៍និងសំណើសុំទៅថ្នាក់ក្រសួងនិងរាជរដ្ឋាភិបាលដើម្បីពិនិត្យនិងសម្រេច ។ ទន្ទឹមនោះ ក៏នឹងស្នើបើកច្រកព្រំដែនតំបន់៤៣-ណូនម៉ាមុននាស្រុកអូរជ្រៅនិងស្រុកគោកស៊ូង ,ស្នើបើកច្រកព្រំដែនអន្តរជាតិអូរនាង-បានប៉ារៃ នាក្រុងប៉ោយប៉ែតនិងស្រុកអារញ្ញាប្រាថេត និងច្រកព្រំដែនបង្គោលព្រំដែនលេខ២៧-បានហានសាយ នៃស្រុកថ្មពួកខេត្តបន្ទាយមានជ័យនិងស្រុកឡាក់ហានសាយខេត្តបូរីរ៉ាំ ផងដែរ ៕

ព័ត៌មានទាក់ទង

ចុះថ្ងៃទី: 05-07-2025, 10:57 PM, ចំនួនអ្នកអានៈ 139ដង

រាជធានីភ្នំពេញ៖លោក ឃួង ស្រេង បានស្នើប្រធានភូមិទាំ៨ ក្នុងសង្កាត់ស្ទឹងមានជ័យទី១ ឡើងរាយការណ៍ពីសមិទ្ធផលការងារនានា ដែលសម្រេចបានលើកឡើងពីចំណុចខ្វះខាត និងបញ្ហាប្រឈមនានា នៅក្នុងមូលដ្ឋានរបស់ខ្លួន ដើម្បីយកបញ្ហាទាំងនោះ មកដោះស្រាយ ឲ្យក្លាយជាប្រយោជន៍ប្រជាពលរដ្ឋ ឈានទៅយកជ័យជំនះ ក្នុងការបោះឆ្នោតនៅឆ