សហព័ន្ធកីឡាទូកក្តោងកម្ពុជា បញ្ជូនគណៈប្រតិភូ២រូប និងកីឡាករចំនួន៣រូបចូលរួមប្រកួតកីឡាអាស៊ីនៅចិន

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

សហព័ន្ធកីឡាទូកក្តោងកម្ពុជា បញ្ជូនគណៈប្រតិភូ២រូប និងកីឡាករចំនួន៣រូបចូលរួមប្រកួតកីឡាអាស៊ីនៅចិន

ចុះថ្ងៃទី: 18-09-2023, 06:14 PM, ចំនួនអ្នកអានៈ 80ដង

រាជធានីភ្នំពេញ៖ដោយឃើញពីសមត្ថភាព និងលទ្ធផលជោគជ័យ នៃការរៀបចំការប្រកួតកីឡាទូកក្តោង ក្នុងព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ នៅខេត្តព្រះសីហនុ ព្រះរាជាណាចក្រកម្ពុជា និងទទួលបានមេដាយចំនួន ២គ្រឿង គឺមេដាយប្រាក់ ១គ្រឿង លើប្រភេទវិញ្ញាសា Windsurfing RS:One Under19 ដោយកីឡាករ កែវ ភារុណ និងមេដាយសំរិទ្ធ ១គ្រឿង លើប្រភេទវិញ្ញាសា Windsurfing RS:X Under20 ដោយកីឡាករ សែម ប្រុសពៅ សហព័ន្ធកីឡាទូកក្តោងកម្ពុជាទទួលការជ្រើសរើសពីគណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា ជាប្រភេទវិញ្ញាសាកីឡាមួយក្នុងការប្រកួតព្រឹត្តិការណ៍កីឡាអូឡាំពិកអាស៊ី លើកទី១៩ ឆ្នាំ២០២៣ នៅទីក្រុង Hangzhou ខេត្ត Zhejiang សាធារណៈរដ្ឋប្រជាមានិតចិន ក្រោមពាក្យស្លាក Heart to Heart, @Future ចាប់ពីថ្ងៃទី២៣ ខែកញ្ញា ដល់ថ្ងៃទី០៨ ខែតុលា ឆ្នាំ២០២៣ ដែលបានលើកពីឆ្នាំ២០២២មកឆ្នាំ២០២៣ ដោយសារជំងឺរាតត្បាតកូវីដ-១៩។ លោក ថោង រដ្ឋសក្កិ រដ្ឋលេខាធិការក្រសួងទេសចរណ៍ និងជាប្រធានស្តីទី សហព័ន្ធកីឡាទូកក្តោងកម្ពុជា បានបញ្ជូនគណៈប្រតិភូ០២រូប និងកីឡាករចំនួន០៣រូប រួមមាន ៖ ១. លោក សោម សុទ្ធរិទ្ធិពង្ស អគ្គលេខាធិការសហព័ន្ធ, ២. Meng Wang ទីប្រឹក្សាសហព័ន្ធ, ៣. កីឡាករ ញ៉ូវ ចាន់ អាយុ ២១ឆ្នាំ ប្រកួតលើវិញ្ញាសា ILCA7 Men, ៤. កីឡាករ កែវ ភារុណ អាយុ១៩ឆ្នាំ ប្រកួតលើវិញ្ញាសា Windsurfing RS:X និង ៥. កីឡាករ កែវ ភានុន អាយុ ១៩ឆ្នាំ ប្រកួតលើវិញ្ញាសា Wind Foiling iQ:Foil ដើម្បីចូលរួមប្រកួតកីឡាអាស៊ីហ្គេមលើកទី១៩ ឆ្នាំ២០២៣ នៅមជ្ឈមណ្ឌលហ្វឹកហ្វឺនកីឡាទូកក្តោង Ningbo Xiangshan Sailing Center ក្នុងទីក្រុងNingbo ខេត្ត Zhejiang សាធារណៈរដ្ឋប្រជាមានិតចិន ដោយចាប់ផ្តើមការប្រកួតពីថ្ងៃទី១៩ ដល់ថ្ងៃទី២៧ ខែកញ្ញា ឆ្នាំ២០២៣ ដោយមានប្រទេសចូលរួមសរុបចំនួន១៨ប្រទេស នៃទ្វីបអាស៊ី និងមានកីឡាករ កីឡាការិនីសរុបប្រមាណ១៥០នាក់ ប្រកួតលើវិញ្ញាសាសរុបចំនួន១៤ ក្នុងនោះវិញ្ញាសាបុរសចំនួន ៦, វិញ្ញាសានារីចំនួន៦ និងវិញ្ញាសាចម្រុះចំនួន២។ ឆ្លៀតក្នុងឱកាសនេះដែរ លោក ថោង រដ្ឋសក្កិ ក៏បានរៀបចំអាហារសាមគ្គីពេលថ្ងៃត្រង់ ជាមួយនឹងប្រតិភូ កីឡាករទាំងទូកក្តោង និងបានផ្តល់អនុសាសន៍ល្អៗជាច្រើនក្នុងការចូលរួមព្រឹត្តិការណ៍ប្រកួតកីឡាខាងលើ។ ការចូលរួមក្នុងការប្រកួតនេះ គឺជាឱកាសដ៏ល្អមួយ របស់ក្រុមកីឡាករទូកក្តោងវ័យក្មេងកម្ពុជា ក្នុងការប្រកួតប្រជែង និងដកស្រង់បទពិសោធន៍ល្អៗពីកីឡាករ កីឡាការិនី ដែលមកពីប្រទេសក្នុងទ្វីបអាស៊ី ដើម្បីត្រៀមបន្តចូលរួមការប្រកួត SEA Games លើកទី៣៣ ២០២៥ នៅប្រទេសថៃ, SEA Games លើកទី៣៤ ២០២៧ នៅប្រទេសម៉ាឡេស៊ី, SEA Games លើកទី៣៥ ២០២៩ នៅប្រទេសសិង្ហបុរី និងជាពិសេសយកបទពិសោធន៍ល្អៗដើម្បីបណ្ដុះបណ្ដាលកីឡាករ កីឡាការិនីវ័យក្មេងជំនាន់ក្រោយក្នុងការត្រៀមលក្ខណៈធ្វើជាម្ចាស់ផ្ទះក្នុងព្រឹត្តិការណ៍ប្រកួតកីឡាអូឡាំពិកយុវជនអាស៊ីលើកទីបួនឆ្នាំ២០១៩ (Asian Youth Games 2029)ជាលើកដំបូងក្នុងប្រវត្តិសាស្ត្រកីឡានៅកម្ពុជា។ សូមបញ្ជាក់ផងដែរថា អត្តពលិកកីឡាកម្ពុជា ដែលត្រូវចូលរួមព្រឹត្តិការណ៍កីឡាអូឡាំពិកអាស៊ីឆ្នាំ២០២៣នៅទីក្រុង Hangzhou ខេត្ត Zhejiang សាធារណៈរដ្ឋប្រជាមានិតចិន រួមមានវិញ្ញាសាកីឡាបាល់ទះ, បាល់បោះ, អត្តពលកម្ម, ហែលទឹក, គ្រិកឃីត, យូដូ, ចំបាប់, វាយសី, ជឺជីតស៊ូ, ការ៉ាតេ, ទូកក្ដោង, តេក្វាន់ដូ WT, ទ្រីយ៉ាត្លុង, ទូកប្រពៃណី, សូហ្វតិន្នីស, អុកចិន និងកីឡាគុនដាវ៕

ព័ត៌មានទាក់ទង

ចុះថ្ងៃទី: 27-07-2024, 07:00 AM, ចំនួនអ្នកអានៈ 31ដង

រាជធានីភ្នំពេញ៖មហាសន្និបាតសហព័ន្ធអតីតយុទ្ធជនបណ្តាប្រទេសអាស៊ាន នេះមានការចូលរួមពីបណ្តាសមាគម និងអង្គការអតីតយុទ្ធជន ដែលជាប្រទេសសមាជិកអាស៊ានទាំងអស់ផងដែរ។នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្រ្តីទទួលបន្ទុកបេសកកម្មពិសេស អនុប្រធាន និងជាអគ្គលេខាធិការ សមាគមអតីតយុទ្ធជនកម្ពុជា �