អាចារ្យអេ ប្រកាសលក់វិទ្យុ អេ ប៊ី ស៊ី ដើម្បីដោះបំណុលពន្ធ

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

អាចារ្យអេ ប្រកាសលក់វិទ្យុ អេ ប៊ី ស៊ី ដើម្បីដោះបំណុលពន្ធ

ចុះថ្ងៃទី: 19-09-2023, 01:40 PM, ចំនួនអ្នកអានៈ 62ដង

លោកអាចារ្យអេ បានឲ្យដឹងថា បំណុលពន្ធដែលវិទ្យុ អេ ប៊ី ស៊ី ជំពាក់នោះគឺមានរយៈពេលជាង១០ឆ្នាំហើយ ហើយលោកកន្លងមកមិនបានដឹងទាល់តែសោះ ។ យ៉ាងណាក៏ដោយ លោកនឹងមិនគេចវេសមិនបង់ពន្ធនោះទេ តែលោកនឹងលក់វិទ្យុរបស់លោកដើម្បីសងបំណុលពន្ធនោះ ដែលជាការបំពេញកាតព្វកិច្ច។ អគ្គនាយកវិទ្យុ អេ ប៊ី ស៊ី (A B C ) លោកគ្រូអាចារ្យអេ នៅព្រឹកថ្ងៃទី១៩ ខែកញ្ញា ឆ្នាំ២០២៣ នេះ តាមរយៈទ្បាយផ្ទាល់ បានប្រកាសលក់វិទ្យុ អេ ប៊ី ស៊ី របស់លោកដើម្បីយកលុយទៅដោះបំណុលពន្ធ ដែលលោកបានលើកទ្បើងថា មានចំនួនច្រើនលើសលុប ដែលលោកមិនអាចទ្រទ្រង់បាន ។ លោកអាចារ្យអេ បញ្ជាក់ថា ការប្រកាសលក់នេះគឺពិតប្រាកដ មិនមែននិយាយលេងទេ ហើយលោកស្នើឲ្យលោកឧកញ៉ាដែលមានលុយជួយទិញវិទ្យុ អេ ប៊ី ស៊ី នេះផងដើម្បីលោកបានយកលុយទៅដោះបំណុល។ លោក សេង ប៊ុនវេង ហៅអាចារ្យអេ ដែលមានឋានៈជារដ្ឋលេខាធិការ បានបញ្ជាក់បន្ថែមថា ពេលលក់ហើយគឺលោកសុំតែម្យ៉ាងប៉ុណ្ណោះសម្រាប់ម្ចាស់វិទ្យុថ្មី គឹសុំបម្រើសម្តេចពុក(សម្តេច ហ៊ុន សែន)ហើយលោកក៏សុំនៅបម្រើក្នុងវិទ្យុនេះដោយមិនយកប្រាក់កម្រៃនោះទ្បើយ។ គេមិនដឹងថា តើការប្រកាសលក់វិទ្យុ អេ ប៊ី ស៊ី របស់អាចារ្យអេ ជាការពិតឬយ៉ាងណានោះទេ ប៉ុន្តែតាមដឹងពីមុនមកវិទ្យុដ៏ល្បីល្បាញមួយនេះ ពិតជានៅជាប់បំណុលពន្ធប្រាកដមែន តែមិនដឹងថាចំនួនប៉ុន្មាននោះទេ ដែលរហូតធ្វើឲ្យមានការប្រកាសលក់វិទ្យុបែបនេះ។ សូមជម្រាបថា វិទ្យុ អេ ប៊ី ស៊ី គឺជាវិទ្យុដែលមានប្រជាប្រិយភាព និងមានការគាំទ្រឬអ្នកស្តាប់ច្រើនបំផុតលំដាប់លេខ១នៅកម្ពុជា ហើយបើតាមដឹងសូម្បីតែវិទ្យុអាស៊ីសេរី ក៏មានអ្នកស្តាប់តិចជាងវិទ្យុ អេ ប៊ី ស៊ី របស់អាចារ្យអេនេះដែរ។ សាធារណជន សំខាន់អ្នកស្តាប់វិទ្យុ អេ ប៊ី ស៊ី បានបង្ហាញនូវការភ្ញាក់ផ្អើល និងសោកស្តាយយ៉ាងខ្លាំង នៅពេលដែលបានឮការប្រកាសលក់វិទ្យុដ៏មានប្រជាប្រិយភាពមួយនេះ ព្រោះវិទ្យុ អេ ប៊ី ស៊ី មិនគ្រាន់តែបម្រើផលប្រយោជន៍សាធារណជនទូទៅប៉ុណ្ណោះទេ តែវិទ្យុនេះបានបម្រើផលប្រយោជន៍ប្រទេសជាតិថែមទៀត៕

ព័ត៌មានទាក់ទង

ចុះថ្ងៃទី: 27-07-2024, 07:00 AM, ចំនួនអ្នកអានៈ 30ដង

រាជធានីភ្នំពេញ៖មហាសន្និបាតសហព័ន្ធអតីតយុទ្ធជនបណ្តាប្រទេសអាស៊ាន នេះមានការចូលរួមពីបណ្តាសមាគម និងអង្គការអតីតយុទ្ធជន ដែលជាប្រទេសសមាជិកអាស៊ានទាំងអស់ផងដែរ។នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្រ្តីទទួលបន្ទុកបេសកកម្មពិសេស អនុប្រធាន និងជាអគ្គលេខាធិការ សមាគមអតីតយុទ្ធជនកម្ពុជា �