សម្តេចធិបតី ហ៊ុន ម៉ាណែត គាំទ្រការបន្តរៀបចំលំហាត់រួម គ្រប់កម្រិត និងគ្រប់ប្រភេទ រវាងកងទ័ពកម្ពុជា-ថៃ

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

សម្តេចធិបតី ហ៊ុន ម៉ាណែត គាំទ្រការបន្តរៀបចំលំហាត់រួម គ្រប់កម្រិត និងគ្រប់ប្រភេទ រវាងកងទ័ពកម្ពុជា-ថៃ

ចុះថ្ងៃទី: 01-12-2023, 07:18 PM, ចំនួនអ្នកអានៈ 165ដង

រាជធានីភ្នំពេញ៖យោងតាមបណ្តាញសង្គមសម្តេចធិបតី ហ៊ុន ម៉ាណែត បានឱ្យដឹងថា ក្នុងជំនួប លោក សុធីន ខ្លាំងសែង បានថ្លែងអំណរគុណសម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោក និងគណៈប្រតិភូ ជួបសម្តែងការគួរសម។ លោករដ្ឋមន្ត្រីការពារជាតិថៃ ក៏បាននាំយកការសាកសួរសុខទុក្ខពីសំណាក់លោកនាយករដ្ឋមន្ត្រីថៃ ជូនសម្តេចធិបតី ប្រកបដោយមនោសញ្ចេតនាជិតស្និទ្ធ និងស្មារតីនៃទំនាក់ទំនងកិច្ចសហប្រតិបត្តិការល្អលើគ្រប់វិស័យ ជាពិសេសលើវិស័យការពារជាតិ ឱ្យបានកាន់តែរឹងមាំថែមទៀត។ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបង្ហាញការគាំទ្រការបន្តរៀបចំលំហាត់រួមរវាងកងទ័ពកម្ពុជា និងថៃ លើគ្រប់កម្រិត និងគ្រប់ប្រភេទទ័ព ដើម្បីរឹតចំណងមិត្តភាព និងកិច្ចសហប្រតិបត្តិការនានារវាងកងទ័ពប្រទេសទាំងពីរ។ ការគាំទ្រនេះ បានធ្វើឡើងក្នុងពេលសម្តេចធិបតីនាយករដ្ឋមន្ត្រី អនុញ្ញាតឱ្យលោក សុធីន ខ្លាំងសែង (SUTIN KLUNGSANG) រដ្ឋមន្ត្រីក្រសួងការពារជាតិថៃ និងគណៈប្រតិភូ ជួបសម្តែងការគួរសម នៅវិមានសន្តិភាព នារសៀលថ្ងៃទី១ ខែធ្នូ ឆ្នាំ២០២៣នេះ។ លោករដ្ឋមន្ត្រីការពារជាតិ ក៏បានបញ្ជាក់អំពីការគាំទ្រកិច្ចសហប្រតិបត្តិការលើវិស័យការពារជាតិ តាមរយៈការបន្តផ្តល់អាហារូបករណ៍ដល់សិក្ខាកាមយោធាកម្ពុជាផងដែរ។ សម្តេចធិបតីនាយករដ្ឋមន្ត្រី បានសម្តែងការស្វាគមន៍រដ្ឋមន្ត្រីការពារជាតិថៃ និងគណៈប្រតិភូ ដែលបានបំពេញទស្សនកិច្ចផ្លូវការនៅកម្ពុជា។ សម្តេចធិបតី បានអរគុណដល់ភាគីមិត្តថៃ ដែលបន្តផ្តល់ការគាំទ្រដល់ការហ្វឹកហ្វឺនបណ្តុះបណ្តាលធនធានមនុស្សកម្ពុជាតាមបណ្តាយោធភូមិភាគ និងមជ្ឈមណ្ឌលហ្វឹកហ្វឺននានា។ សម្តេចនាយករដ្ឋមន្ត្រី ក៏បានគាំទ្រការបន្តរៀបចំលំហាត់រួមគ្រប់កម្រិត និងប្រភេទទ័ព ព្រមទាំងបានបញ្ជាក់អំពីការគាំទ្រដល់កិច្ចសហប្រតិបត្តិការដែលបានឯកភាពគ្នារវាងក្រសួងការពារជាតិប្រទេសទាំងពីរ។ សម្តេចធិបតី ហ៊ុន ម៉ាណែត ក៏បានគូសបញ្ជាក់ផងដែរ អំពីការបន្តកិច្ចសហការជិតស្និទ្ធតាមខ្សែបន្ទាត់ព្រំដែនកម្ពុជា-ថៃ ក្នុងការគ្រប់គ្រងគ្រោះមហន្តរាយធម្មជាតិ និងទប់ស្កាត់រាល់បទល្មើសឆ្លងដែននានា សំដៅធានាបានតំបន់ព្រំដែនសន្តិភាពជូនប្រជាពលរដ្ឋទាំងពីរ ដែលកំពុងរស់នៅប្រកបការងារ និងធ្វើពាណិជ្ជកម្មផ្សេងៗប្រកបដោយសុខសុវត្ថិភាព៕

ព័ត៌មានទាក់ទង

ចុះថ្ងៃទី: 05-07-2025, 10:57 PM, ចំនួនអ្នកអានៈ 132ដង

រាជធានីភ្នំពេញ៖លោក ឃួង ស្រេង បានស្នើប្រធានភូមិទាំ៨ ក្នុងសង្កាត់ស្ទឹងមានជ័យទី១ ឡើងរាយការណ៍ពីសមិទ្ធផលការងារនានា ដែលសម្រេចបានលើកឡើងពីចំណុចខ្វះខាត និងបញ្ហាប្រឈមនានា នៅក្នុងមូលដ្ឋានរបស់ខ្លួន ដើម្បីយកបញ្ហាទាំងនោះ មកដោះស្រាយ ឲ្យក្លាយជាប្រយោជន៍ប្រជាពលរដ្ឋ ឈានទៅយកជ័យជំនះ ក្នុងការបោះឆ្នោតនៅឆ