ផ្ទុះបាតុកម្មគាំទ្រប៉ាឡេស្ទីនអំទ្បុងពិធីអាហារពេលល្ងាចរបស់លោក បៃដិន ជាមួយអ្នកសារព័ត៌មាន

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

ផ្ទុះបាតុកម្មគាំទ្រប៉ាឡេស្ទីនអំទ្បុងពិធីអាហារពេលល្ងាចរបស់លោក បៃដិន ជាមួយអ្នកសារព័ត៌មាន

ចុះថ្ងៃទី: 29-04-2024, 10:22 AM, ចំនួនអ្នកអានៈ 113ដង

បាតុករគាំទ្រប៉ាឡេស្ទីនបានតវ៉ាទៅដល់ពិធីជប់លៀងរបស់អ្នកឆ្លើយឆ្លងព័ត៌មានប្រចាំសេតវិមានជាមួយលោក បៃ ដិនកាលពីថ្ងៃសៅរ៍ ដោយបានថ្កោលទោសការគ្រប់គ្រងរបស់រដ្ឋបាលលោក Biden ចំពោះសង្គ្រាមនៅតំបន់ហ្គាហ្សា និងការផ្សាយព័ត៌មានមិនពិតរបស់សារព័ត៌មានអំពីជម្លោះនៅហ្គាហ្សាដែលបានសម្លាប់មនុស្សរាប់ម៉ឺននាក់។'' ក្រុមបាតុករគាំទ្រប៉ាឡេស្ទីនរាប់ពាន់នាក់ដឹកនាំដោយក្រុមសកម្មជន CodePink បានតវ៉ានៅខាងក្រៅនៃពិធីជប់លៀងសម្រាប់អ្នកឆ្លើយឆ្លងព័ត៌មានប្រចាំឆ្នាំដើម្បីអបអរទិវាសេរីភាពសារព័ត៌មាន ៣ ឧសភា របស់សេតវិមានក្នុងទីក្រុងវ៉ាស៊ីនតោន ឌីស៊ី ខណក្រុមបាតុករបានរិះគន់ការគ្រប់គ្រងរបស់រដ្ឋបាលលោក Biden ទាក់ទងសង្គ្រាម Gaza និងបានចោទប្រកាន់ប្រព័ន្ធផ្សព្វផ្សាយអាមេរិកអំពីការផ្សាយព័ត៌មានមិនគ្រប់គ្រាន់ឬមិនពិតពីជម្លោះនៅហ្គាហ្សា ដែលបានបណ្តាលឱ្យ មានការស្លាប់ និងរបួសជនជាតិប៉ាឡេស្ទីនកាន់តែច្រើនទៅៗ រួមទាំងអំពើផ្រៃផ្សៃរបស់យោធាអ៊ីស្រាអែល។ យ៉ាងណាក៏ដោយ បាតុករបានស្វាគមន៍មន្ត្រីរដ្ឋបាល អ្នកសារព័ត៌មាន និងតារាល្បីៗដែលចូលទៅក្នុងកន្លែងដោយការស្រែកច្រៀងថា «គួរឲ្យអាម៉ាស់មុខខ្លួនឯងណាស់»។ ទន្ទឹមនោះ ក្រុមបាតុករក៏បានបង្ហាញទង់ជាតិប៉ាឡេស្ទីនយ៉ាងធំពីបង្អួចសណ្ឋាគារ ហើយក៏បានធ្វើការគោរពដល់វិញ្ញាណក្ខន្ធអ្នកកាសែតដែលត្រូវបានគេសម្លាប់ក្នុងការវាយប្រហាររបស់អ៊ីស្រាអែលប្រឆាំងនឹងតំបន់ Gaza Stripផងដែរ។ ពួកគេបានកាន់បដាដែលសរសេរថា “បទឈប់បាញ់”, “ប៉ាឡេស្ទីនសេរី” និង “កេរដំណែលរបស់បៃដិនគឺជាអំពើប្រល័យពូជសាសន៍”។ អ្នកតវ៉ាក៏បានស្រែកពាក្យស្លោករួមមាន “Genocide Joe”, “Free Palestine” និង “ប្រព័ន្ធផ្សព្វផ្សាយលោកខាងលិច គួរមានភាពអាម៉ាស់សម្រាប់ខ្លួនឯង ខណដែលអ្នកកំពុងលាក់អំពើប្រល័យពូជសាសន៍ផងដែរ!។ បាតុករជាច្រើនបានពាក់ក្រមា ជាក្រមាដែលជានិមិត្តរូបនៃសាមគ្គីភាពជាមួយប៉ាឡេស្ទីន ហើយគ្រវីទង់ជាតិប៉ាឡេស្ទីន ក្រោមសម្លេងហ៊ោកញ្ជ្រៀវដោយការឈឺចាប់។ ក្រុមនេះក៏បានសរសេរនៅលើ X ថា “អាហារពេលល្ងាចរបស់អ្នកឆ្លើយឆ្លងព័ត៌មានគឺគ្មានអ្វីក្រៅពីការប្រារព្ធពិធី និងការយល់ព្រមចំពោះសកម្មភាពរបស់រដ្ឋបាលលោក បៃ ដិន ឲ្យមានអំពើប្រល័យពូជសាស្ត្រនោះទេ ហើយវាមិនមែនជាអ្នកសារព័ត៌មានទេ។ ពួកគេសរសេរបន្តថា អ្នកពាក់អាវកាក់បង្ហូរឈាម ដោយសារតែមានឈ្មោះអ្នកកាសែតដែលត្រូវបានសម្លាប់នៅហ្គាហ្សា និងតំបន់ West Bank ។ កាលពីខែមេសា ក្រុមអ្នកកាសែតប៉ាឡេស្ទីនបានចេញលិខិតមួយទៅកាន់សហសេវិករបស់ពួកគេ ដើម្បីធ្វើពហិការជាសាធារណៈចំពោះអាហារពេលល្ងាចប្រចាំឆ្នាំ ដែលរៀបចំដោយរដ្ឋបាលលោក បៃ ដិន។ ប្រជាជនប៉ាឡេស្ទីនជិត 34,400 នាក់ត្រូវបានសម្លាប់ ភាគច្រើនជាស្ត្រី និងកុមារ ហើយជាង 77,400 នាក់បានរងរបួស ចំពេលមានការបំផ្លិចបំផ្លាញដ៏ធំ និងកង្វះខាតសម្ភារៈចាំបាច់។ អ៊ីស្រាអែល ត្រូវបានចោទប្រកាន់ពីបទប្រល័យពូជសាសន៍នៅតុលាការយុត្តិធម៌អន្តរជាតិ។ សេចក្តីសម្រេចបណ្តោះអាសន្នក្នុងខែមករាបានបញ្ជាឱ្យទីក្រុង Tel Aviv បញ្ឈប់សកម្មភាពប្រល័យពូជសាសន៍ និងចាត់វិធានការដើម្បីធានាថា ជំនួយមនុស្សធម៌ត្រូវបានផ្តល់ជូនដល់ជនស៊ីវិលនៅក្នុងតំបន់ហ្គាហ្សា៕

ព័ត៌មានទាក់ទង

ចុះថ្ងៃទី: 20-05-2024, 12:23 PM, ចំនួនអ្នកអានៈ 10ដង

ក្រុមឈរលេខ២ កាំភ្លើងធំ Arsenal នៅតែមិនអាចរកបាននៅការលើកពានលីគជាថ្មីម្តងទៀតបាននោះទេ ក្រោយពេលរកបានត្រឹម ៨៩ពិន្ទុ ពីការលេង ៣៨ប្រកួតដូចគ្នា ដែលពួកគេបានចាញ់ដល់ទៅ ៥ប្រកួតក្នុងរដូវកាលនេះ ដ្បិត ១ប្រកួតចុងក្រោយបានយកឈ្នះ Everton ២-១ ពីការព្យាយាមលេងក្រោមការដឹកនាំដោយលោក Mikel Arteta ហើយនេះជាការបញ្ចប់ក្នុងលេខរៀងទី២