មន្ត្រីជាន់ខ្ពស់ក្រសួងវប្បធម៌៖ ការគាំទ្រអ្នកនិពន្ធ នាំឱ្យពួកគេមានកម្លាំងចិត្តខំប្រឹងបញ្ចេញស្នាដៃថ្មីៗ
ចុះថ្ងៃទី: 13-05-2024, 06:23 PM, ចំនួនអ្នកអានៈ 367ដង
រាជធានី​ភ្នំពេញ ៖មន្ត្រីជាន់ខ្ពស់ក្រសួងវប្បធម៌ ថ្លែងបែបនេះ ក្នុងឱកាសអនុញ្ញាតឱ្យម្ចាស់វណ្ណកម្មប្រលោមលោក «៣រាត្រី» ចូលជួបសម្តែងការគួរសម និងជូនសៀវភៅប្រលោមលោក នៅថ្ងៃទី១៣ ខែឧសភា ឆ្នាំ២០២៤។ លោកស្រី ឡងឌី សាន់ណារ៉ា រដ្ឋលេខាធិការក្រសួងវប្បធម៌ និងវិចិត្រសិល្បៈ បានថ្លែងថា ការគាំទ្រអ្នកនិពន្ធ នឹងនាំឱ្យពួកគេមានកម្លាំងចិត្តខិតខំប្រឹងប្រែងច្នៃប្រតិដ្ឋតែងនិពន្ធ និងបញ្ចេញស្នាដៃថ្មីៗជាបន្តបន្ទាប់ទៀត។ បើតាមលោកស្រី ឡងឌី សាន់ណារ៉ា លោកស្រីជាអ្នកលើកស្ទួយការតែងនិពន្ធ ព្រោះការបង្កើតបានសៀវភៅរឿងមួយក្បាលៗ ពុំមែនជាភាពងាយស្រួលទេ តោងទាល់តែដាក់ចិត្តដាក់កាយ និងរៀបផ្លូវដើរច្បាស់លាស់។ លោកស្រី បានលើកទឹកចិត្តដល់អ្នកតែងនិពន្ធ​ បញ្ចេញវណ្ណកម្មថ្មីៗ ដើម្បីលើកស្ទួយការអាន និងការតែងនិពន្ធ ផងដែរ។ ក្នុងឱកាសនោះ លោក សេម បានលើកឡើងថា ប្រលោមលោក «៣រាត្រី» ជាវណ្ណកម្មថ្មីមួយ ស្ថិតក្នុងចលនាខេមរនិយម។ លោកបន្តថា រឿង «៣រាត្រី» គឺជារឿងពិតខ្លះ និងប្រតិដ្ឋខ្លះ ដែលជាស្នាដៃតែងនិពន្ធលើកដំបូងរបស់លោក ដោយបានបង្ហាញពីតថភាពជីវិតយុវវ័យ ដកចេញពីផ្នែកតូចមួយរបស់គេ។ ជាមួយគ្នានេះដែរ រឿងនេះមានគោលបំណងចង់អប់រំយុវវ័យ ឱ្យចេះគិតគូរនិងប្រយ័ត្នប្រយែង នៅពេលខ្លួនធ្លាក់ក្នុងអន្លង់ស្នេហា។ រឿងនេះ ក៏លើកទឹកចិត្តដល់មនុស្ស ដែលយល់ថាខ្លួនបាត់បង់គ្រប់យ៉ាង និងគិតថាខ្លួនមិនមានប្រយោជន៍ ឱ្យប្រឹងប្រែងកសាងជីវិត។ លោក សេម បានឱ្យដឹងថា តាំងពីក្មេងរហូតមកដល់ពេលនេះ លោកបានអានសៀវភៅរាប់មិនអស់ ដែលវាធ្វើឱ្យលោកមានចំណង់ចំណូលចិត្តក្នុងការតែងនិពន្ធ។ ការតែងនិពន្ធនេះ ជាទម្រង់និទានកថា ដោយតួអង្គឯកជាមនុស្សស្រី រៀបរាប់ពីអតីតដែលបានកើតឡើងចំពោះនាងកាលពី ១០ឆ្នាំមុន។ ស្មេរវ័យក្មេងរូបនេះ ក៏ចង់លើកស្ទូយវិស័យតែងនិពន្ធនៅកម្ពុជា ឱ្យរីកចម្រើនខ្លាំងផងដែរ ខណៈសម្ដេចមហាបវធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានចេញអនុក្រឹត្យ ស្តីពី ទិវាជាតិអ្នកនិពន្ធ ដោយកំណត់យកថ្ងៃទី៧ ខែធ្នូ ជារៀងរាល់ឆ្នាំ។ សម្ដេចធិបតី ហ៊ុន ម៉ាណែត បានបញ្ជាក់ថា ការកំណត់យកនេះ ក្នុងគោលបំណងបង្កើនគុណតម្លៃ និងជំរុញលើកកម្ពស់ស្នាដៃតែងនិពន្ធ ដើម្បីរួមចំណែកដល់ការអប់រំ ការលើកកម្ពស់សុខដុមភាពវប្បធម៌ សាសនា និងការយល់ដឹងអំពីអក្សរសាស្ត្រ អក្សរសិល្ប៍ សិល្បៈ ប្រវត្តិសាស្ត្រ និង វិទ្យាសាស្ត្រ។ បើតាមលោក សេម ពេលអានរឿង «៣រាត្រី» គេនឹងឃើញមានភាសាអង់គ្លេសខ្លះ និងខ្មែរខ្លះ ពេលតួអង្គផ្ញើសារទៅគ្នា។ អ្នកនិពន្ធសរសេរបែបនេះ ក៏ដោយសារតែយល់ថា ជាទម្លាប់នៃការឆ្លងឆ្លើយសារ គឺយុវវ័យប្រើភាសាអង់គ្លេសខ្លះ និងខ្មែរខ្លះ ទើបលោកចង់បង្ហាញតថភាពមួយនេះដែរ។ លោក សេម ក៏បានឆ្លៀតថ្លែងអំណរគុណដល់គ្រប់ភាគីពាក់ព័ន្ធទាំងអស់ ដែលជួយឱ្យសៀវភៅនេះ ត្រូវបានផលិតឡើង និងអរគុណដល់មិត្តភក្តិទាំងអស់ ដែលបានបង្ហាញពីឆន្ទៈចង់អានស្នាដៃដ៏ថ្មីសន្លាងមួយនេះ។ លោកបានឱ្យដឹងថា ថវិកាមួយផ្នែក ដែលទទួលបានពីការលក់សៀវភៅនេះ នឹងយកទៅបរិច្ចាគលើការងារមនុស្សធម៌។ លោកបានបញ្ជាក់យ៉ាងដូច្នេះថា «អ្នកម្តាយ ឃុត សាឃីម និងលោកប៉ា ឡាច គីម កូនសូមថ្វាយបង្គំដឹងគុណលោកទាំងពីរដែលបានផ្តល់កំណើតដល់រូបកូន និងបីបាច់រក្សាកូនបានយ៉ាងល្អបំផុត។ ខ្ញុំសូមថ្លែងអំណរគុណយ៉ាងជ្រាលជ្រៅដល់អ្នកឧកញ៉ា វេជ្ជបណ្ឌិត គួច ម៉េងលី ដែលបានឧបត្ថម្ភថវិកាបោះពុម្ពសៀវភៅនេះទាំងស្រុង។ បើពុំមានការជួយជ្រោមជ្រែង នោះស្នាដៃនេះមិនអាចលេចរូបរាងឡើយ។ សូមអរគុណដល់ ឯកឧត្តម លឹម ជាវុត្ថា ទីប្រឹក្សាផ្ទាល់សម្តេចមហាបវរធិបតីនាយករដ្ឋមន្ត្រី និងជាអគ្គនាយកបណ្តាញព័ត៌មាន Fresh News ដែលបានគាំទ្រនិងលើកទឹកចិត្តដល់រូបខ្ញុំ ចំពោះកិច្ចការតែងនិពន្ធដ៏មានន័យខ្លឹមសារនេះ និងជួយផ្សព្វផ្សាយ»។ ការបោះពុម្ពលើកទី១ តែងតែជួបប្រទះនូវចំណុចខ្វះខាតដោយជៀសពុំរួច ហេតុដូចនេះស្មេរ នឹងទទួលយកមតិរិះគន់ ដើម្បីកែលម្អជានិច្ច។ អ្នកនិពន្ធវ័យក្មេងរូបនេះ ក៏បានសង្ឃឹមថា «៣រាត្រី» នឹងក្លាយជាវត្ថុកម្សាន្តអារម្មណ៍របស់លោកអ្នក និងជាគ្រឿងលម្អក្នុងទូដាក់សៀវភៅរបស់លោកអ្នកជាក់ជាពុំខាន។ មិត្តអ្នកអាន ចង់ជាវសៀវភៅនេះ សូមទំនាក់ទំនងលេខទូរសព្ទ ០៩៦៦២០៣៣៦០ ឬទំព័រហ្វេសប៊ុក ដែលមានឈ្មោះថា «៣រាត្រី»៕
ព័ត៌មានទាក់ទង
ចុះថ្ងៃទី: 18-02-2025, 11:44 AM, ចំនួនអ្នកអានៈ​ 10ដង
ខេត្តតាកែវ៖ ផ្លូវបេតុងថ្មីនេះសរុបចំនួន២៦ខ្សែ ដែលស្ថិតក្នុងឃុំចំនួន៣ នៃស្រុកបាទី គឺឃុំកុមាររាជា ចំនួន៥ខ្សែ, ឃុំក្រាំងលាវ ចំនួន១៦ខ្សែ និងឃុំលំពង់ ចំនួន៥ខ្សែ។ លោក គី តិច អនុប្រធានទី១ ក្រុមការងារគណបក្សប្រជាជនកម្ពុជាចុះមូលដ្ឋានខេត្តតាកែវ តំណាងលោកបណ្ឌិត ជា វ៉ាន់ដេត ប្រធានក្រុមការងារគណបក្សប្
 ព័ត៌មានលម្អិត
ចុះថ្ងៃទី: 18-02-2025, 11:39 AM, ចំនួនអ្នកអានៈ​ 1ដង
នៅពេលត្រូវបានសាកសួរអំពីការធានាសន្តិសុខរបស់សហរដ្ឋអាមេរិកនឹងមានន័យយ៉ាងណា ហើយថាតើអ្វីទៅជាតួនាទីរបស់កងកម្លាំងរក្សាសន្តិភាព? លោក Starmer បានឆ្លើយថាកិច្ចពិភាក្សាកំពុង ធ្វើឡើងនៅឡើយក្នុងដំណាក់កាលដំបូង។ ប៉ុន្តែ លោកនាយករដ្ឋមន្ត្រីអង់គ្លេសបានបញ្ជាក់ថាក្រោយកិច្ចប្រជុំបន្ទាន់ជាមួយមេដឹកនាំអឺរ៉ុបដ
 ព័ត៌មានលម្អិត
ចុះថ្ងៃទី: 18-02-2025, 11:36 AM, ចំនួនអ្នកអានៈ​ 17ដង
រាជធានីភ្នំពេញ៖លោកឧបនាយករដ្ឋមន្ត្រី បានថ្លែងបែបនេះ ក្នុងឱកាសអញ្ជើញក្នុងពិធីបិទសន្និបាតសមាគមអ្នកវិនិយោគ អ្នកសាងសង់ និងស្ថាបត្យករកម្ពុជា (សវសសក) និងការចុះអនុស្សារណៈ និងជំនួបធុរកិច្ច នៅថ្ងៃទី១៧ ខែកុម្ភៈ ឆ្នាំ២០២៥ នៅសណ្ឋាគារ ហ៉ីម៉ាវ៉ារី។ ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបច
 ព័ត៌មានលម្អិត
ចុះថ្ងៃទី: 18-02-2025, 11:28 AM, ចំនួនអ្នកអានៈ​ 10ដង
រាជធានីភ្នំពេញ៖នៅព្រឹកថ្ងៃទី១៨ ខែកុម្ភៈ ឆ្នាំ២០២៥នេះ រដ្ឋសភា បានបន្តសម័យប្រជុំរដ្ឋសភា លើកទី៣ នីតិកាលទី៧ ដើម្បីប្រជុំពិភាក្សាអនុម័តលើសេចក្ដីព្រាងច្បាប់ចំនួន២។ កិច្ចប្រជុំបានធ្វើឡើង ក្រោមអធីបតីភាព សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ដោយមានរបៀបវារៈចំនួន២ ដូចខាងក្រោម៖ ១
 ព័ត៌មានលម្អិត
ចុះថ្ងៃទី: 18-02-2025, 11:24 AM, ចំនួនអ្នកអានៈ​ 18ដង
ក្នុងសន្និសីទរួមគ្នាមួយ រវាងនាយករដ្ឋមន្ត្រីប៉ូឡូញ លោក Donald Tusk និងប្រធានក្រុមហ៊ុន Microsoft លោក Smith បានលើកឡើងថា ការវិនិយោគនេះ សម្រាប់ដំណាក់កាលទី២ នៃគម្រោងមជ្ឈមណ្ឌលទិន្នន័យប៉ូឡូញ ដែលបានបញ្ចប់រួចរាល់ហើយ មានតម្លៃ១ពាន់លានដុល្លារ ដែលបានប្រកាសក្នុងឆ្នាំ២០២០។ ក្រុមហ៊ុន Microsoft គ្រោងនឹងវិនិយោគបន្ថែម៧០០លានដ
 ព័ត៌មានលម្អិត
ចុះថ្ងៃទី: 18-02-2025, 11:17 AM, ចំនួនអ្នកអានៈ​ 12ដង
រាជធានីភ្នំពេញ៖ក្រោយដោះស្រាយបញ្ហា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានភ្ជាប់ទូរស័ព្ទតាមរយៈលោក ប៉ាន់ ខែមប៊ុនថន ដើម្បីសម្តែងក្តីអបអរសាទរជាមួយប្រជាពលរដ្ឋ។ប្រជាពលរដ្ឋរស់នៅភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ចំនួន ១,៧១៧គ្រួសារ ដែលមានវិវាទដីធ្លី
 ព័ត៌មានលម្អិត
ចុះថ្ងៃទី: 18-02-2025, 11:03 AM, ចំនួនអ្នកអានៈ​ 16ដង
ដោយផ្អែកលើប្រភពចំនួន៣ដែលបានដឹងពីគម្រោងទិញអាវុធខាងលើ ក្នុងលក្ខខណ្ឌមិនបញ្ចេញឈ្មោះ Reuters បានដឹងទៀតថាតៃវ៉ាន់កំពុងស្ថិតក្នុងការចរចាជាមួយសហរដ្ឋអាមេរិក ហើយការទិញអាវុធពីអាមេរិក គឺមានចេតនាបង្ហាញឱ្យលោក ត្រាំ បានឃើញថាតៃវ៉ាន់មានការប្ដេជ្ញាចិត្តចំពោះការពង្រឹងសមត្ថភាពយោធារបស់ខ្លួន។ តាមប្រភពដដែល
 ព័ត៌មានលម្អិត
ចុះថ្ងៃទី: 18-02-2025, 10:58 AM, ចំនួនអ្នកអានៈ​ 15ដង
ថ្លែងទៅកាន់អ្នកសារព័ត៌មានតាមរយៈប្រព័ន្ធវីដេអូចេញពីប្រទេសអេមីរ៉ាតអារ៉ាប់រួម លោក ហ្សេលេនស្គី បានសារភាពថារដ្ឋាភិបាលរបស់លោកមិនត្រូវបានអញ្ជើញឱ្យចូលរួមក្នុងកិច្ចចរចារវាងអាមេរិក និងរុស្ស៉ី ដែលគ្រោង នឹងប្រព្រឹត្តនៅថ្ងៃអង្គារសប្ដាហ៍នេះ ក្នុងប្រទេសអារ៉ាប៊ីសាអូឌីតឡើយ។ លោក ហ្សេលេនស្គី បន្តថា
 ព័ត៌មានលម្អិត
ចុះថ្ងៃទី: 17-02-2025, 01:52 PM, ចំនួនអ្នកអានៈ​ 49ដង
រាជធានីភ្នំពេញ៖ថ្លែងក្នុងពិធីនេះ នាយឧត្តមសេនីយ៍ ម៉ៅ សុផាន់ បានរម្លឹកពីទំនាក់ទំនង និងកិច្ចសហប្រតិបត្តិការ រវាងកម្ពុជា-ឥណ្ឌា នៅក្នុងរយៈពេល៧៣ឆ្នាំមកនេះ ហើយកិច្ចសហប្រតិបត្តិការយោធារបស់យើង ត្រូវបានពង្រឹង និងពង្រីក ជាលំដាប់រហូតដល់មានការចុះហត្ថលេខាលើ លក្ខខណ្ឌកិច្ចសហប្រតិបត្តិការ (TOR) រវាងកងទ
 ព័ត៌មានលម្អិត
ចុះថ្ងៃទី: 17-02-2025, 01:47 PM, ចំនួនអ្នកអានៈ​ 42ដង
រាជធានីភ្នំពេញ៖ទោះជាយ៉ាងនេះក៏ដោយ ដោយសារកំណើនប្រជាពលរដ្ឋ ដែលធ្វើឱ្យតម្រូវការផ្គត់ផ្គង់ទឹកស្អាតកាន់តែមានច្រើនឡើងជាលំដាប់ ជាពិសេសនៅតំបន់ជនបទ និងតំបន់ដែលកកើតថ្មីៗជុំវិញទីក្រុងនិងទីប្រជុំជនធំៗ។សម្តេចមហាបរវធិបតី ហ៊ុន​​ ម៉ាណែត នាយករដ្ឋមន្ត្រីនៃកម្ពុជា បានបញ្ជាក់ឱ្យដឹងថា ការផ្គត់ផ្គង់ទឹ
 ព័ត៌មានលម្អិត
ចុះថ្ងៃទី: 17-02-2025, 01:43 PM, ចំនួនអ្នកអានៈ​ 46ដង
លោកបានថ្លែងបែបនេះ បន្ទាប់ពីជំនួបជាមួយរដ្ឋមន្ត្រីការបរទេសអាមេរិក លោក Marco Rubio នៅទីក្រុងហ្សេរុយសាឡឹម។ លោក Netanyahu បានពណ៌នាកិច្ចពិភាក្សា ជាមួយលោក Rubio ថាមានលក្ខណៈ «ផលិតភាពខ្ពស់» ដោយផ្តោតសំខាន់លើបញ្ហាជាច្រើន ប៉ុន្តែ «គ្មានអ្វីសំខាន់ជាងអ៊ីរ៉ង់ទេ»។ នាយករដ្ឋមន្ត្រីអ៊ីស្រាអែល លោក Benjamin Netanyahu បាន ថ្លែងកាលពីថ្ង
 ព័ត៌មានលម្អិត
ចុះថ្ងៃទី: 17-02-2025, 01:38 PM, ចំនួនអ្នកអានៈ​ 46ដង
រាជធានីភ្នំពេញ៖ព្រះករុណាជាអម្ចាស់ជីវិតតម្កល់លើត្បូង ទ្រង់មានបន្ទូលបែបនេះ ក្នុងឱកាសដែលព្រះអង្គ យាងសម្ពោធមហាកុដិសម្តេចព្រះសង្ឃរាជ ជួន ណាត, វិទ្យាស្ថានស្រាវជ្រាវ និងអភិរក្សសាស្ត្រាស្លឹករឹតខ្មែរ នៅវត្តឧណ្ណាលោម នាព្រឹកថ្ងៃទី១៧ ខែកុម្ភៈ ឆ្នាំ២០២៥។ ព្រះករុណា ព្រះបាទ សម្តេចព្រះ បរមនាថ នរោត្
 ព័ត៌មានលម្អិត
ចុះថ្ងៃទី: 17-02-2025, 01:21 PM, ចំនួនអ្នកអានៈ​ 52ដង
ការអត្ថាធិប្បាយបែបនេះរបស់លោក Rubio កើតមានឡើងក្រោយបេសកជនទទួលបន្ទុកបញ្ហាអ៊ុយក្រែនរបស់ប្រធានាធិបតីអាមេរិក កាលពីថ្ងៃសៅរ៍ ទី១៥ ខែកុម្ភៈ បាននិយាយថា អឺរ៉ុបនឹងមិនមាន កៅអីអង្គុយ នៅតុចរចាសន្តិភាពអ៊ុយក្រែនឡើយ បន្ទាប់ពីទីក្រុងវ៉ាស៉ីនតោន បានបញ្ជូនកម្រងសំណួរទៅកាន់​បណ្តា​ប្រទេសអឺរ៉ុប ដើម្បីសាកសួរថា
 ព័ត៌មានលម្អិត
ចុះថ្ងៃទី: 17-02-2025, 01:17 PM, ចំនួនអ្នកអានៈ​ 44ដង
ខួបកំណើតរបស់លោក គីម ជុងអ៉ីល ដែលត្រូវចំនឹងថ្ងៃទី១៦ ខែកុម្ភៈត្រូវបានប្រារព្ធយ៉ាងអធិកអធមជាថ្ងៃបុណ្យជាតិមួយនៅកូរ៉េខាងជើង ដែលជាទូទៅគេហៅ «ទិវានៃតារារះចែងចាំង»។ ប៉ុន្តែ នេះ ជាលើកដំបូងបំផុត ក្នុងរយៈពេល៤ឆ្នាំមកនេះដែលលោក គីម ជុងអ៊ុន ធ្វើទស្សនកិច្ចនៅឯវិមានព្រះអាទិត្យ Kumsusan ក្នុងទីក្រុងព្យុងយ៉ាង ជា
 ព័ត៌មានលម្អិត
ចុះថ្ងៃទី: 17-02-2025, 01:16 PM, ចំនួនអ្នកអានៈ​ 34ដង
តាមលោក Starmer ការធានាឱ្យបាននូវសន្តិភាពយូរអង្វែងនៅអ៊ុយក្រែន គឺជារឿងចាំបាច់បំផុត សំដៅកំញើញកុំឱ្យលោកប្រធានាធិបតីរុស្ស៉ី វ្ល៉ាឌីមៀ ពូទីន បើកការឈ្លានពានជាថ្មី នៅពេលអនាគត។​ ក្នុងអត្ថបទមួយចុះផ្សាយដោយកាសែត Daily Telegraspanh លោកនាយករដ្ឋមន្ត្រីអង់គ្លេសបានបញ្ជាក់ទៀតថាការបញ្ចប់សង្រ្គាមរបស់រុស្ស៉ីជាមួយអ៊ុយក
 ព័ត៌មានលម្អិត
« មុន  1   ក្រោយ»
ចំនួនអ្នកទស្សនា
ថ្ងៃនេះ : 3205 នាក់
ម្សិលមិញ : 6005 នាក់
សរុបទាំងអស់ : 7953323 នាក់