អាមេរិក ពេលនេះរកបានមេដាយមាស ៣៣គ្រឿង ហើយសរុបទាំងប្រាក់ នឹងសំរឹទ្ធកើនដល់ ១១១គ្រឿង ដ្បិតក្រុមអត្តពលិកចិន ឈរលេខ២ ក៏មានមេដាយមាស ៣៣គ្រឿងតែសរុបជាមួយប្រាក់ នឹងសំរឹទ្ធ មានត្រឹម ៨៣គ្រឿងប៉ុណ្ណោះ ហើយក្រុមអូស្ត្រាលី រកបានមេដាយសរុប ៤៨គ្រឿង និងក្រុមជប៉ុន សរុបបាន ៣៧គ្រឿង ជាមួយអង់គ្លេស ឈរលេខ៥ បន្តរកបានមេដាយសរុប ៥៧គ្រឿងបណ្តោះអាសន្ន។ ព្រឹត្តិការណ៍កីឡាចម្រុះអូឡាំពិករដូវក្តៅ Paris Olympics Games 2024 នៅសល់ត្រឹម ១ថ្ងៃទៀតត្រូវបិទបញ្ចប់ជាផ្លូវការ ខណៈក្រុមអត្តពលិកសហរដ្ឋអាមេរិក និងក្រុមចិន នៅតែឈរនាំមុខកំពូលតារាងចំណាត់ថ្នាក់មេដាយ ដោយមានមេដាយមាស ៣៣គ្រឿងស្មើគ្នា ដ្បិតម្ចាស់ផ្ទះបារាំង ធ្លាក់ទៅលេខរៀងទី៦ គិតត្រឹមថ្ងៃទី១០ ខែសីហា ឆ្នាំ២០២៤។ សូមជម្រាបផងថា ព្រឹត្តិការណ៍កីឡាចម្រុះអូឡាំពិករដូវក្តៅ Paris Olympics Games 2024 នឹងត្រូវបិទបញ្ចប់ជាផ្លូវការនៅថ្ងៃទី១១ ខែសីហានេះ ខណៈក្រុមអាមេរិក អាចនឹងបន្តឈ្នះមេដាយច្រើនជាងគេទៀត ដោយកាលពីនៅអូឡាំពិក ទីក្រុងត្យូ ឆ្នាំ២០២០ ពួកគេរកបានមេដាយសរុប ១១៣គ្រឿង៕

ព័ត៌មានទាក់ទង