លោក Kuleba បានលាលែងពីតំណែង នៅសប្តាហ៍នេះ ដែលជាផ្នែកមួយនៃការរុះរើគណៈរដ្ឋមន្ត្រីអ៊ុយក្រែន ដែលកំពុងបន្ត។មេដឹកនាំអ៊ុយក្រែន លោក Vladimir Zelensky តាមសេចក្តីរាយការណ៍ បានចោទប្រកាន់រដ្ឋមន្ត្រីការបរទេស លោក Dmitry Kuleba ពីការខកខានក្នុងការទទួលការផ្គត់ផ្គង់អាវុធបន្ថែមទៀតពីលោកខាងលិច អំឡុងពេលពន្យល់ពីការសម្រេចចិត្តបណ្ដេញអ្នកការទូតរូបនេះចេញពីតំណែង ។ យោងតាមសមាជិកសភា លោក David Arakhamia ដែលដឹកនាំក្រុមសមាជិកសភារបស់ Zelensky’s Servant of People Party ច្រើនជាងពាក់កណ្តាលនៃសមាជិករដ្ឋាភិបាលជាន់ខ្ពស់របស់អ៊ុយក្រែននឹងត្រូវបានជំនួសនៅក្នុងការផ្លាស់ប្តូរ។ លោក Zelensky បានជួបជាមួយសមាជិកនៃបក្សពួករបស់លោក ដើម្បីពន្យល់ពីចេតនារបស់លោក កាលពីល្ងាចថ្ងៃពុធ បន្ទាប់ពីសភាអ៊ុយក្រែនមិនអនុម័តការផ្លាស់ប្តូរគណៈរដ្ឋមន្ត្រីមួយចំនួនដែលស្នើឡើង។ គួរបញ្ជាក់ថា លោក Kuleba បានលាលែងពីតំណែងជារដ្ឋមន្ត្រីការបរទេសអ៊ុយក្រែន កាលពីថ្មីៗនេះ ៕

ព័ត៌មានទាក់ទង