ស្ថានីយ៍ទូរទស្សន៍បេទ្បារុស្សកាលពីថ្ងៃព្រហស្បតិ៍បានចាក់ផ្សាយកម្មវិធីនោះរយៈពេល ១៥ នាទីដែលដាក់ចំណងជើងថា “ការបរាជ័យនៃសាមូរ៉ៃរបស់ទីក្រុងតូក្យូ” ដែលពិពណ៌នាអំពីករណីចារកម្មដែលត្រូវបានចោទប្រកាន់ជាលើកដំបូងរបស់ប្រទេសជប៉ុននៅក្នុងប្រទេសបេឡារុស្ស។ ទូរទស្សន៍រដ្ឋបេឡារុស្សបានចាក់ផ្សាយកម្មវិធីពិសេសមួយបង្ហាញអំពីជនជាតិជប៉ុនម្នាក់ដែលត្រូវបានឃុំខ្លួនកាលពីខែកក្កដាកន្លងទៅ ពីបទប្រមូលព័ត៌មានសម្ងាត់របស់យោធា និងសកម្មភាពផ្សេងៗទៀត។ ទូរទស្សន៍​បាន​រាយការណ៍​អំពី​ការ​ឃុំ​ខ្លួន​បុរស​ជនជាតិ​ជប៉ុន​រូប​នេះ​កាលពី​ថ្ងៃ​មុន ខណដែលរដ្ឋាភិបាលជប៉ុន និងប្រភពផ្សេងទៀតបានដាក់ឈ្មោះបុរសនោះថា Nakanishi Masatoshi ដែលធ្លាប់ធ្វើការជាគ្រូបង្រៀនភាសាជប៉ុន។ កម្មវិធីទូរទស្សន៍បេទ្បារុស្សបានផ្សាយថា មន្ត្រីសន្តិសុខកំពុងស៊ើបអង្កេតលើបុរសនេះ ពីបទសង្ស័យក្នុងការប្រមូលព័ត៌មានអំពីទីតាំងយោធាបេឡារុស្សសម្រាប់ទីភ្នាក់ងារស៊ើបការណ៍សម្ងាត់ជប៉ុន។ វីដេអូនៃកម្មវិធីនោះបានបង្ហាញឱ្យឃើញឈ្មោះ Nakanishi ដោយថតរូបជាក់ស្តែង។ ក្នុង​រូបភាព​មួយ​ទៀត គេ​ឃើញ​បុរស​នោះ​ដើរ​ដោយ​មានខ្នោះ​ដៃថែមទៀត។ ការផ្សាយដដែលក៏បានបង្ហាញពីលោក Nakanishi និយាយជាភាសារុស្សីថា គាត់បានទៅជិតព្រំដែនជាមួយអ៊ុយក្រែន ហើយបានថតរូបជាច្រើននៃផ្លូវរថភ្លើង និងស្ពាននៅទីនោះ។ ប៉ុន្តែវាមិនប្រាកដទេថា តើគាត់និយាយតាមសម្ដីរបស់គាត់ និងថាតើខ្លឹមសារនៃកម្មវិធីនោះត្រឹមត្រូវប៉ុណ្ណានោះ៕

ព័ត៌មានទាក់ទង