បុរសវ័យ ៦៥ឆ្នាំ បានព្រមព្រៀងចុះកិច្ចសន្យាជាមួយសហព័ន្ធប្រេស៊ីល CBF ដើម្បីដឹកនាំអតីតជើងឯកពានរង្វាន់ពិភពលោក World Cup ៥សម័យកាលច្រើនជាងគេមួយនេះ ដល់បំណាច់ឆ្នាំ២០២៦ ក្រោយពេលជោគជ័យក្នុងក្លិបអាជីពរួចមក។ គ្រូបង្វឹកសញ្ជាតិអ៉ីតាលី Carlo Ancetotti ត្រូវបានគេរាយការណ៍ថា នឹងទទួលបានថ្លៃនឿយហត់ប្រមាណ ១១.១លានដុល្លារក្នុង ១ឆ្នាំ សម្រាប់ការដឹកនាំក្រុមបាល់ទាត់ជម្រើសជាតិសាំបាប្រេស៊ីល មានចំនួនច្រើនជាងគេដាច់ផងដែរ បើប្រៀបធៀបទៅនឹងបណ្តាអ្នកចាត់ការផ្សេងទៀតនៅតំបន់អាមេរិកឡាទីន។ ទន្ទឹមគ្នានោះ អតីតគ្រូបង្វឹក Real Madrid រូបនេះ ក៏នឹងទទួលបានថ្លៃនឿយហត់ប្រមាណជាង ១០លានដុល្លារក្នុង ១ឆ្នាំផងដែរ លើសគ្រូបង្វឹកចាស់ Dorival Junior ដែលត្រូវបានដកតំណែងបានតែ ៤លានដុល្លារប៉ុណ្ណោះ ក្នុង ១ឆ្នាំ។ ខាងក្រោមនេះ ជាប្រាក់ពលកម្មសម្រាប់គ្រូបង្វឹកលំដាប់ World Class ផ្សេងទៀតប្រចាំតំបន់អាមេរិកខាងត្បូង CONMEBOL ក្នុងរយៈពេល ១ឆ្នាំដូចគ្នារួមមាន៖ . លោក Marcelo Bielsa គ្រូបង្វឹកអ៊ុយរូហ្គាយ ទទួលបាន ៤លានដុល្លារ . លោក Ricardo Gareca គ្រូបង្វឹកឈីលី ទទួលបាន ៣.៧លានដុល្លារ . លោក Daniel Garnero គ្រូបង្វឹកប៉ារ៉ាហ្គាយ ទទួលបាន ៣លានដុល្លារ . លោក Fernando Batista គ្រូបង្វឹកវេណេហ្សូអេឡា ទទួលបាន ៣លានដុល្លារ . លោក Lionel Scaloni គ្រូបង្វឹកអាហ្សង់ទីន ទទួលបាន ២.៦លានដុល្លារ៕

ព័ត៌មានទាក់ទង