Microsoft ក៏បានបញ្ជាក់ក្នុងសេចក្តីប្រកាសរបស់ខ្លួនពីសមត្ថភាពកុំព្យូទ័រ Copilot+ មួយចំនួនអាចលឿនជាង MacBook Air M4 នៅក្នុងការធ្វើតេស្តខ្លះៗផងដែរ។ ប៉ុន្តែការប្រម៉ូតរបស់ក្រុមហ៊ុននៅពេលនេះ គឺចេញផ្សាយផ្អែកលើការប្រៀបធៀបនឹង MacBook Air M3 ប៉ុណ្ណោះ។ ក្រុមហ៊ុនបច្ចេកវិទ្យាយក្សអាមេរិក Microsoft ទើបតែបានចេញផ្សាយមកប្រកាសថា កុំព្យូទ័រ Copilot+ របស់ខ្លួនមានល្បឿនលឿនជាង MacBook Air របស់ក្រុមហ៊ុន Apple ដែលប្រើបន្ទះឈីប M3 ដល់ទៅ ៥៨%។ ការអះអាងនេះផ្អែកលើលទ្ធផលសមត្ថភាព CPU ប្រភេទ multi-core ឆ្នាំ២០២៤។ នេះអាចចាត់ទុកថា Microsoft កំពុងប្រៀបធៀបនឹង MacBook Air ជំនាន់មុនដែលប្រើ chip M3 ដែលចេញនៅខែមីនា ឆ្នាំ២០២៤ ថាផលិតផលរបស់ខ្លួនកំពុងប្រសើរឡើង ត្បិត Apple បានចេញ MacBook Air ជំនាន់ថ្មីមាន chip M4 ដែលមានសមត្ថភាពល្អជាងនេះទៅទៀត។ គួរជម្រាបថា ម៉ូដែល Copilot+ ដែល Microsoft លើកឡើងក្នុងការប្រម៉ូតរបស់ខ្លួនរួមមាន៖ Lenovo Yoga Slim 7x, Microsoft Surface Laptop, HP OmniBook Ultra 14 ដែលម៉ាស៊ីនទាំងនេះប្រើ CPU ដូចជា Qualcomm Snapdragon X Elite និង AMD Ryzen AI 9 HX 375 ដែលរចនាឡើងសម្រាប់កែប្រែសមត្ថភាពប្រព័ន្ធ AI និងល្បឿន។ ទោះបីជា Microsoft អះអាងថា Windows PCs មានការកែលម្អខ្លាំងក៏ដោយ ប៉ុន្តែអ្នកវិភាគខ្លះយល់ឃើញថា ការប្រៀបធៀបនឹង MacBook Air M3 មិនសូវមានមាត្រដ្ឋានត្រឹមត្រូវទេ ព្រោះ Apple ចេញដល់ MacBook Air M4 ទៅហើយ តែវាមានសមត្ថភាពខ្ពស់ទាំងសមត្ថភាពការងារនានា និងសម្រាប់ការប្រើប្រាស់ប្រចាំថ្ងៃ។

ព័ត៌មានទាក់ទង