វ៉ាក់សាំងមហារីកថ្មីខាងលើនឹងប្រើប្រាស់បញ្ញាសប្បនិម្មិត ដើម្បីធ្វើការវិភាគលើហ្សែនដុំសាច់មហារីករបស់អ្នកជំងឺម្នាក់ និងបង្កើតការព្យាបាលតាមរយៈហ្សែន mRNA។ ការប្រកាសពី គម្រោងធ្វើតេស្ដវ៉ាក់សាំងមហារីកលើមនុស្ស កើតមានឡើងបន្ទាប់ពីការធ្វើតេស្តលើសត្វបានបង្ហាញលទ្ធផលល្អប្រសើរក្នុងការពន្យឺតការលូតលាស់របស់ដុំសាច់មហារីក និងបង្ការ ការរីករាលដាលនៃជំងឺមហារីក។ ការធ្វើតេស្ដដំណាក់កាលទី១លើមនុស្ស នឹងត្រូវធ្វើឡើងនៅឯមជ្ឈមណ្ឌលជំនាញខាងដុំសាច់មហារីកក្នុងទីក្រុងមូស្គូ ដោយផ្ដោតលើការធ្វើតេស្តវ៉ាក់សាំង លើជំងឺមហារីកស្បែក (melanoma) និងក្រោយមកទើប ពង្រីកការធ្វើតេស្ដលើមហារីកលំពែង តម្រងនោម និងសួត។ មជ្ឈមណ្ឌល Gamaleya National Research Center របស់រុស្ស៉ី ដែលជាក្រុមការងារមួយនៅពីក្រោយការអភិវឌ្ឍវ៉ាក់សាំងកូវីដ១៩ Sputnik V បានប្រកាសពីគម្រោង ចាប់ផ្ដើមការធ្វើតេស្ដវ៉ាក់សាំងមហារីកប្រភេទហ្សែន mRNA នៅខែកញ្ញា ដល់ខែតុលា ឆ្នាំ២០២៥។ នេះបើតាមការចេញផ្សាយដោយសារព័ត៌មាន Economic Times។ គួរបញ្ជាក់ថា រដ្ឋាភិបាលរុស្ស៉ីគ្រោងនឹងផ្ដល់វ៉ាក់សាំងដោយឥតគិតថ្លៃដល់ពលរដ្ឋរុស្ស៉ី ហើយវ៉ាក់សាំងមហារីកក្នុងមួយដូសត្រូវចំណាយ ២៨៦៩ដុល្លារ៕

ព័ត៌មានទាក់ទង