រាជធានីភ្នំពេញ៖ លោកជំទាវ ពេជ ចន្ទមុន្នី ហ៊ុនម៉ាណែត និងក្រុមការងារ នៅថ្ងៃទី៨ ខែសីហា ឆ្នាំ២០២៥នេះ បានអញ្ជើញចុះមកសួរសុខទុក្ខកងទ័ពរងរបួសធ្ងន់ធ្ងរ ដែលត្រូវបញ្ជូនបន្តមកព្យាបាលយ៉ាងយកចិត្តទុកដាក់បំផុតពីសំណាក់ក្រុមគ្រូពេទ្យ នៅតាមបណ្ដាមន្ទីរពេទ្យនានានៅរាជធានីភ្នំពេញ។ ក្នុងនោះមានមន្ទីរពេទ្យមិត្តភាព ខ្មែរ-សូវៀត, មន្ទីរពេទ្យមិត្តភាព កម្ពុជា-ចិន ព្រះកុសុមៈ, មន្ទីរពេទ្យព្រះកេតុមាលា និងមន្ទីរពេទ្យព្រះអង្គឌួង។ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានសម្តែងនូវការគោរពអរគុណចំពោះវីរភាពដ៏អង់អាចក្លាហ៊ានដ៏មហិមារបស់វីរកងទ័ព ក្នុងការការពារបូរណភាពទឹកដីដូនតាយើង និងសូមគោរពជូនពរបងប្អូនវីរកងទ័ពខ្មែរទាំងអស់សូមឆាប់ជាសះស្បើយគ្រប់ៗគ្នា៕

ព័ត៌មានទាក់ទង