លោកបន្តថា វិសាខានៅពេលនេះគេមានគ្រូបង្វឹក និងកីឡាករថ្មីៗ អញ្ចឹងគឺខុសគ្នាខ្លាំងពីរដូវកាលមុន។ ពួកគេបានតែងតាំងគ្រូបង្វឹកថ្មីដេលមានន័យថាពួកគេចង់ទទួលបានពានរង្វាន់សម្រាប់រដូវកាលនេះ។ ពួកគេពិតជាមានមហិច្ចតា ទើបពួកគេបាននាំយកកីឡាករល្អៗថ្មីៗជាច្រើនចូលរួម។ សម្រាប់ការប្រកួតដំបូងនេះគឺប្រាកដណាស់ថាពួកគេនឹងចង់បានលទ្ធផលល្អ។» លោក Oleg Starynskyi បង្ហាញចំណាប់អារម្មណ៍ជុំវិញនឹងការប្រកួតបើកឆាកជាមួយវិសាខាថា «នេះគឺជាការប្រកួតដំបូងប្រចាំរដូវកាល ខ្ញុំគិតថានឹងមានការចាប់អារម្មណ៍ច្រើនមកលើយើង។ ការប្រកួតនេះគឺជាការប្រកួតដែលជក់ចិត្ត ជាមួយនឹងការប្រើប្រាស់កម្លាំងច្រើនផងដែរ ដូច្នេះវាពិតជាល្អណាស់ក្នុងការចាប់ផ្តើមរដូវកាលថ្មី។ សូមជម្រាបថា ក្រុមភ្នំពេញក្រោន ​នឹងបើកកីឡដ្ឋាន RSN ទទួលស្វាគមន៍ក្រុមវិសាខា ​នៅវេលាម៉ោង១៨៖០០នាទីល្ងាចនេះ នៃការប្រកួតបើកឆាក​​ Cambodian Premier League រដូវកាលឆ្នាំ២០២៤/២៥៕

ព័ត៌មានទាក់ទង