យសារតែ AI server នីមួយៗត្រូវការអង្គចងចាំ LPDDR ច្រើនជាងទូរស័ព្ទដៃទៅទៀត ការសម្រេចចិត្តនេះត្រូវបានរំពឹងថានឹងបង្កើតតម្រូវការដ៏ធំសម្បើម និងភ្លាមៗដែលខ្សែសង្វាក់ផ្គត់ផ្គង់សកលមិនទាន់មានលទ្ធភាពគ្រប់គ្រាន់ដើម្បីបំពេញបាននោះទេ។ ក្រុមហ៊ុនផ្គត់ផ្គង់អង្គចងចាំធំៗដូចជា Samsung Electronics, SK Hynix, និង Micron កំពុងប្រឈមនឹងកង្វះខាតផលិតផល DRAM ចាស់ៗរួចទៅហើយ ដោយសារពួកគេបានកាត់បន្ថយការផលិតដើម្បីផ្តោតលើ High-Bandwidth Memory (HBM) សម្រាប់បន្ទះឈីប AI កម្រិតខ្ពស់។ ក្រុមហ៊ុនស្រាវជ្រាវទីផ្សារ Counterpoint Research បានចេញផ្សាយរបាយការណ៍មួយដែលព្រមានអំពីការកើនឡើងតម្លៃដ៏គំហុកនៃអង្គចងចាំម៉ាស៊ីនមេ (server memory) រហូតដល់ទ្វេដងនៅចុងឆ្នាំ ២០២៦។ មូលហេតុគឺការសម្រេចចិត្តថ្មីៗរបស់ក្រុមហ៊ុន Nvidia ដែលជាក្រុមហ៊ុនឈានមុខគេផ្នែកបន្ទះឈីប AI ក្នុងការប្តូរពីការប្រើប្រាស់បន្ទះឈីប DDR5 ដែលប្រើក្នុងម៉ាស៊ីនមេធម្មតា ទៅប្រើប្រាស់បន្ទះឈីប LPDDR ដែលជាប្រភេទអង្គចងចាំប្រើថាមពលទាប ដែលជាទូទៅមាននៅក្នុងទូរស័ព្ទ និងថេប្លេត សម្រាប់ AI server ជំនាន់ថ្មីរបស់ខ្លួន។ ការផ្លាស់ប្តូរនេះមានគោលបំណងកាត់បន្ថយថ្លៃដើមថាមពល។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃទី២០ ខែវិច្ឆិកា ឆ្នាំ២០២៥។ Counterpoint បានបញ្ជាក់ពីផលប៉ះពាល់ដ៏ធំធេងនេះថា៖ «ហានិភ័យធំបំផុតដែលនឹងកើតមានគឺចំពោះអង្គចងចាំកម្រិតខ្ពស់ ដោយសារតែការប្តូរទៅកាន់ LPDDR ថ្មីៗនេះរបស់ Nvidia មានន័យថា ពួកគេគឺជាអតិថិជនដែលមានទំហំស្មើនឹងក្រុមហ៊ុនផលិតស្មាតហ្វូនធំមួយ - ជាការផ្លាស់ប្តូរដ៏ធំសម្បើមសម្រាប់ខ្សែសង្វាក់ផ្គត់ផ្គង់ដែលមិនអាចស្រូបយកតម្រូវការកម្រិតនេះបានយ៉ាងងាយស្រួលនោះទេ»។ ជាលទ្ធផល ក្រុមហ៊ុនបានព្យាករណ៍ថា តម្លៃអង្គចងចាំម៉ាស៊ីនមេអាចនឹងកើនឡើងទ្វេដងនៅដំណាច់ឆ្នាំ ២០២៦ ហើយតម្លៃបន្ទះឈីបអង្គចងចាំសរុបអាចកើនឡើង ៥០% ត្រឹមត្រីមាសទី ២ នៃឆ្នាំ ២០២៦។ គួរជម្រាបថា ការកើនឡើងតម្លៃ Server Memory នេះនឹងបង្កើនថ្លៃដើមប្រតិបត្តិការសម្រាប់ក្រុមហ៊ុនផ្តល់សេវា Cloud និងអ្នកអភិវឌ្ឍន៍ AI ។ វានឹងបន្ថែមសម្ពាធដល់ថវិកាសម្រាប់មជ្ឈមណ្ឌលទិន្នន័យ (Data Centres) ដែលកំពុងចំណាយកំណត់ត្រាលើឧបករណ៍ GPUs និងការដំឡើងថាមពល ដើម្បីឆ្លើយតបទៅនឹងតម្រូវការដ៏លឿនរហ័សនៃបច្ចេកវិទ្យាបញ្ញាសិប្បនិម្មិត (AI)៕

ព័ត៌មានទាក់ទង