ពីគេហទំព័រកីឡា BBC បានចេញផ្សាយថា ១ប្រកួតចុងក្រោយរបស់បុរសវ័យ ៤៣ឆ្នាំ ក្នុងនាមជាអ្នកចាត់ការទូទៅរបស់ Leicester នៅពេលបរាជ័យក្នុងផ្ទះ ២-១ ក្រោមថ្វីជើងរបស់ Oxford United ដែលស្ថិតនៅចំណាត់ថ្នាក់ទាបជាងខ្លួន។ Leicester City ឈរជើងនៅលីគ Championship របស់អង់គ្លេសបច្ចុប្បន្ន បានឈានដល់ផ្លូវបំបែកជាមួយអ្នកចាត់ការទូទៅ Marti Cifuentes ដែលទើបដឹកនាំបានតែ ៦ខែប៉ុណ្ណោះ ដ្បិតក្រុមកញ្ជ្រោងខៀវមួយនេះ ស្ថិតនៅពាក់កណ្តាលតារាងទៀតផង។ ពួកគេបានលេងចាញ់កើនដល់ ១១ប្រកួតឯណោះ ក្នុងចំណោម ២៩ប្រកួតសរុប ស្ថិតក្រោមការដឹកនាំដោយបុរសសញ្ជាតិអេស្ប៉ាញខាងលើ ជាមួយនឹងជ័យជម្នះ ១០លើកផងដែរ។ ការតែងតាំងលោក Cifuentes កាលពីអំឡុងខែកក្កដា ឆ្នាំ២០២៥ ជាមួយនឹងក្តីរំពឹងជួយស្រោចស្រង់ Leicester City វិលទៅកាន់លីគកំពូលអង់គ្លេស Premier League ក្រោយពេលធ្លាក់ចេញជាលើកទី២ ក្នុងរយៈពេល ៣រដូវកាលចុងក្រោយនេះ មុនពេលឈានដល់ការចែកផ្លូវវិញ ចំពេលពួកគេស្ថិតនៅលេខរៀងទី១៤ និងដាច់ ៦ពិន្ទុពីតំបន់កៅអីលេងជម្រុះ។ ការចាកចេញរបស់លោក Cifuentes នេះដែរមានន័យថា Leicester បច្ចុប្បន្នបានកំពុងស្វែងរកអ្នកចាត់ការទូទៅអចិន្រ្ទៃយ៍ទី៦ គិតចាប់តាំងពីលោក Brendan Rodgers ដែលដឹកនាំឈ្នះជើងឯក FA Cup ត្រូវបានដកតួនាទីកាលពីខែមេសា ឆ្នាំ២០២៣៕

ព័ត៌មានទាក់ទង