នៅថ្ងៃទី២៥ ខែកក្កដា ឆ្នាំ២០២៥ នៅរដ្ឋធានីប៉េកាំង សាធារណរដ្ឋប្រជាមានិតចិន លោកបណ្ឌិត កៅ គឹមហួន អគ្គលេខាធិការអាស៊ានបានចូលជួបសំដែងការគួរសម និងពិភាក្សាការងារជាមួយលោក Wang Yi សមាជិកការិយាល័យនយោបាយគណៈកម្មាធិការកណ្តាលគណបក្សកុម្មុយនិស្តចិន ប្រធានការិយាល័យគណៈកម្មការកណ្តាលទទួលបន្ទុកកិច្ចការបរទេស និងជារដ្ឋមន្ត្រីការបរទេសចិន។ នៅក្នុងឱកាសនោះ ភាគីទាំងពីរបានទទួលស្គាល់ពីវឌ្ឍនភាពដែលសម្រេចបាននៅក្រោមភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-ចិន ព្រមទាំងបានពិភាក្សារិះរកវិធីដើម្បីពង្រឹងកិច្ចសហ​ប្រតិបត្តិការបន្ថែមទៀត នៅក្នុងសសរស្តម្ភទាំងបីនៃសហគមន៍អាស៊ាន និងការតភ្ជាប់អាស៊ាន រួមទាំង សមិទ្ធផលដែលអាចសម្រេចបាននៃកិច្ចសហប្រតិបត្តិការអាស៊ាន-ចិន ក្នុងឆ្នាំ២០២៥។ លោកបណ្ឌិត កៅ គឹមហួន បានស្វាគមន៍ការបន្តគាំទ្ររបស់ចិន សម្រាប់មជ្ឈភាពអាស៊ាន និងសមាហរណកម្មតំបន់ ជាពិសេស ឆ្ពោះទៅរកការអនុវត្តឯកសារ «អាស៊ានឆ្នាំ២០៤៥៖ អនាគតរួមគ្នារបស់យើង»៕

ព័ត៌មានទាក់ទង