រាជធានីភ្នំពេញ៖ ទម្ងន់គ្រាប់កាំភ្លើងធំទាហានឈ្លានពានថៃ បានបង្ខំឱ្យប្រជាពលរដ្ឋក្នុង​ខេត្តឧត្តរមានជ័យ ជិត៣ម៉ឺននាក់ហើយ ចាកចោលផ្ទះសម្បែងរបស់ពួកគេធ្លាប់រស់នៅ​យ៉ាង​សុខដុម ទៅកាន់ជំរំភៀសសឹករៀបចំដោយអាជ្ញាធរ។ ក្រៅពីឃ្លាតឆ្ងាយពីផ្ទះសម្បែងហើយនោះ ប្រជាពលរដ្ឋក៏បានប្រឈមការលំបាកនឹង​រស់​នៅ ការបាត់បង់របរ និងប្រាក់ចំណូលប្រចាំថ្ងៃរបស់ពួកគេ។ ការសម្រេចចិត្តចាកចោល​ផ្ទះសម្បែង ក៏ព្រោះតែទាហានឈ្លានពានថៃ បានបាញ់ផ្លោងកាំភ្លើងចូលភូមិឋានរបស់​ប្រជាពលរដ្ឋកម្ពុជា តាមបណ្តាសង្កាត់នានាក្នុងក្រុងសំរោងជារៀងរាល់ថ្ងៃ។ ភស្តុតាងបានបង្ហាញយ៉ាងច្បាស់នូវវិនាសកម្មបង្កដោយទាហានឈ្លានពានថៃ តាមរយៈស្លាកស្នាមរណ្តៅគ្រាប់របស់ពួកគេបន្សល់ទុកក្នុងភូមិឋាន ព្រមទាំងផ្ទះសម្បែងដែលរងការខូចខាត៕

ព័ត៌មានទាក់ទង