នុងពាក្យបណ្តឹង អ្នកនិពន្ធអះអាងថា Apple បានប្រើ សៀវភៅចម្លងខុសច្បាប់​ ដែលត្រូវបានគេចាត់ទុកថាជាមូលដ្ឋានសំខាន់សម្រាប់បណ្ដុះបណ្ដាលម៉ូដែល។ ពួកគេថែមទាំងនិយាយថា Apple មិនធ្លាប់បានព្យាយាមទូទាត់សំណងឲ្យអ្នកនិពន្ធសម្រាប់ការរួមចំណែករបស់ពួកគេ ក្នុងគម្រោងដែលអាចរកប្រាក់ចំណេញយ៉ាងច្រើននេះឡើយ។​ យ៉ាងណាមិញ​ រហូតមកដល់ពេលបច្ចុប្បន្ន ទាំង Apple និងមេធាវីរបស់ដេីមបណ្តឹង​មិនទាន់បានចេញសេចក្តីថ្លែងការណ៍សាធារណៈអំពីករណីនេះឡើយ។ ​ ថ្ងៃទី៥ ខែកញ្ញា ឆ្នាំ២០២៥ អ្នកនិពន្ធ Grady Hendrix និង Jennifer Roberson បានដាក់ពាក្យបណ្តឹងជាក្រុម (class-action lawsuit) នៅតុលាការសហរដ្ឋអាមេរិក ភាគខាងជើងរដ្ឋកាលីហ្វ័រញ៉ា ប្រឆាំងក្រុមហ៊ុន Apple។ ពួកគេអះអាងថា Apple បានយកសៀវភៅដែលមានរក្សាសិទ្ធិរបស់ពួកគេមកប្រើ ដោយគ្មានការយល់ព្រម ការទទួលស្គាល់ ឬការទូទាត់សំណង ដើម្បីបណ្ដុះបណ្ដាលប្រព័ន្ធ AI របស់ខ្លួន ដែលគេស្គាល់ថា OpenELM។ គួរជម្រាបថា​ ករណីនេះកើតឡើងក្នុងចំណោមករណីជាច្រេីន ដែលកំពុងកើតមានប្រឆាំងក្រុមហ៊ុនបច្ចេកវិទ្យាធំៗ ពាក់ព័ន្ធនឹងការប្រើសៀវភៅឬឯកសាររក្សាសិទ្ធិ ដើម្បីបណ្ដុះបណ្ដាលប្រព័ន្ធ AI។​ ក្រុមហ៊ុន Anthropic ទើបតែព្រមទូទាត់ប្រាក់ ១.៥ ពាន់លានដុល្លារ ក្នុងករណីដូចគ្នា ដែលត្រូវបានគេរាប់បញ្ចូលថាជាការទូទាត់សំណងរក្សាសិទ្ធិធំបំផុតមួយក្នុងប្រវត្តិសាស្ត្រ។​ ក្រុមហ៊ុនធំៗដូចជា Microsoft, Meta, និង OpenAI ក៏កំពុងជួបការចោទប្រកាន់ស្រដៀងគ្នានេះដែរ៕

ព័ត៌មានទាក់ទង